Logoa
Logoa

Rementeria txorierritarrekin batu da Derion

  Politika  Derio

Rementeria txorierritarrekin batu da Derion

Unai Rementeria Bizkaiko ahaldun nagusia Txorierri eta Mungialdeko auzokideekin elkartu zen atzo arratsaldean, apirilaren 27an, Derioko Kultur Birikan. Guztira 50 lagun batu ziren bertan eta Rementeriak euren ideiak eta proposamenak entzun zituen. Era berean, Rementeriak Foru Aldundiaren proiektuen gauzatze-mailaren berri eman zuen. 

Errefuxiatuen aldeko martxa bihar ailegatuko da Txorierrira

  Gizartea  Txorierri

Errefuxiatuen aldeko martxa bihar ailegatuko da Txorierrira

Laurogei urte bete dira faxistek Gernika bonbardatu zutela, eta Ongi Etorri Errefuxiatuak Plataformak urteurrena aprobetxatu du Europako mugetan errefuxiatuak pairatzen dabiltzan egoera lotsagarria salatzeko. “Ezin dugu onartu mugak, milaka lagunentzat, atxilotzeko, gizatasuna kentzeko eta heriotza eragiteko eremu bihurtzea”. Hori dela eta, ekimenak antolatzen dabiltza asteburu honetarako. 

Larrabetzuko Udalak Gaztelumendiko gurutzea botako du

  Politika  Larrabetzu

Larrabetzuko Udalak Gaztelumendiko gurutzea botako du

Larrabetzuko Udaleko udalbatzak aho batez onartu duen bezala, Gaztelumendi mendian dagoen gurutzea lurrera botako dute. Oraindik ez dute noiz egingo duten zehaztu, baina maitzerako edo ekainerako egitea espero dute. Erabaki hori azaltzeko, udalekoek arrazoi bi aipatu dituzte: batetik, gurutzea erortze arriskuan dagoela; bestetik, monumentuak duen sinbologia. Bere lekuan, ohorezko plaka bat eta monolito bat jarriko dituzte, “askatasunaren alde eta faxismoaren kontra borrokatu eta hildako borrokalariak omendu eta gogoratzeko”, esan du Udalak ohar batean.

Zamudioko Gazte Egunaren miniklipa

  Festak  Zamudio

Zamudioko Gazte Eguna 2017 - miniclip from GOON media on Vimeo.

Zamudioko Inisitue Gazte Asanbladak Gazte Eguna antolatu zuen apirilaren 22an. Hona hemen, gazteek egindako miniklipa.  

Sorpresaz beteriko bizitza

  Gai nagusia  Larrabetzu

Sorpresaz beteriko bizitza

Jokin Serra, suhiltzailea

Argazkiko gizona Jokin Serra da, suhiltzailea. Berrogeita hemeretzi urte ditu, Larrabetzun bizi da eta Bizkaia osoko segurtasunaren arduraduna da, guardia egunetan. Leioa­ko Artatzako suhiltzaileen Parkean egiten du lan. Su­hil­tzaile eta kabo bezala hamaika gertakaritan izan ostean, gaur egun bertako inspektoreordea da. Bere betebeharra Bizkaia osoko suhiltzaileak antolatu eta Bizkaia su­garretatik urrun mantentzea da.

Merkatu ekologikoa egingo da hamabostean behin BANen

  Baserri mundua  Derio

Merkatu ekologikoa egingo da hamabostean behin BANen

Txorierriko lehenengo sektoreari eta ekoizle txikiei bultzada ematea da Baserri Antzokiaren (BAN) helburuetariko bat. Horren haritik, eta apirilaren 20tik hasita, merkatu ekologikoa egingo da hamabostero bertan. 

Hegorik gabeko txorien txioak

  Taldeak eta Elkarteak  Loiu

Hegorik gabeko txorien txioak

Loiu Txori Bikers elkartea

Sei urteko bizitza dauka Loiu Txoribikers motozaleen elkarteak. Udaleko kide biren artean jarri zuten martxan, gaur egungo alkatea den Josu Andoni Begoña eta Haziendako zinegotzi ohia Gerardo Izquierdok. Motozaleen taldeak sei urte daramatza topaketak antolatzen urtero eta herriko hainbat ekitalditan parte hartuz, kilometroz kilometro.

Inisitue Zamudioko Gazte Asanbladak Gazte Eguna ospatuko du zapatuan

  Gizartea  Zamudio

Inisitue Zamudioko Gazte Asanbladak Gazte Eguna ospatuko du zapatuan

Gazte Eguna data garrantzitsua da Zamudioko egutegian. Herriko eta Txorierriko gazteak ez ezik, inguruko gazteak ere batzen dira urtero bertan, eta aurten zapatuan, apirilaren 22an, dute hitzordua. Herria eta kaleak bete eta hartzeko asmoz, Inisitue Gazte Asanbladak ekitaldi sorta zabala antolatu du egun horretarako.

Gaixotasun ezezagun batengatik lagun

  Gizartea  Txorierri

Gaixotasun ezezagun batengatik lagun

Jaio ziren lehen momentutik, elikagaiak liseritzeko arazoak izan zituzten Garikoitzek eta Txaberrek. Bizitzako lehen urteetan izenik gabeko gaixotasun arraroa zutela esan zieten medikuek. Ez zegoen tratamendurik, eta medikuek ez dute jakin ume horien arazoei nola aurre egin. Gauetik egunera, inolako azalpenik gabe, Txaber zenbait elikagai onartzen hasi zen, eta Garikoitz ere, astiro-astiro, horretan dabil.

“Balbulek garrasi egitea gustatzen zaigu”

  Musika  Loiu

“Balbulek garrasi egitea gustatzen zaigu”

Midnight Road taldea

Hard Rock taldea indartsu aritu zen urtarrilean, Baserri Antzokian. Formazio aldaketa asko izan dituen bandaren azken fitxaketa Josu Tolin Pedrosa loiuztarra izan da. 2016ko abenduan heldu zen musika taldera, eta momentu honetan Belfasten dabil ingeniaritza zibileko praktikak egiten. Bueltan taldearekin jo eta su aritzeko prest dago, ekain aldera.

 

(+) Albiste gehiago »

Amets tabernak Sondikako I. Pintxo Lehiaketa irabazi du

  Aisia  Sondika

Amets tabernak Sondikako I. Pintxo Lehiaketa irabazi du

Udalak Sondika Pintxotan lehiaketa antolatu du lehenengo aldiz, herriko ostalaritza bultzatu eta girotzeko. Txapelketan hiru kategoria egon dira: haragizko pintxoa, arrainezko pintxoa eta estilo libreko pintxoa.

Guernica koadroaren collagea egin dute Larrabetzuko eskolan

  Gizartea  Larrabetzu

Gernikako bonbardaketaren 80. urteurrenaren haritik, Picassoren Guernica koadroaren collagea egin dute Larrabetzuko eskolan. 

Derioko Argazki Rallyak 400 euro banatuko ditu saritan

  Aisia  Derio

Derioko Argazki Rallyak 400 euro banatuko ditu saritan

Derioko Argazki Taldeak eta Derioko Udalak Argazki Rallya antolatu dute maiatzaren 6rako. Rallyak 13. edizioa beteko du aurten eta 400 euro banatuko ditu saritan. Lehenengo saria argazki bildumarik onenarentzat izango da eta irabazleak diploma bat eta 200 euro jasoko ditu saritzat. Bigarren saria argazkirik onenarentzat izango da eta irabazleak diploma bar eta 100 euro jasoko ditu. Eta hirugarren saria Derioko lehen sailkatuarentzat izango da. Horri ere diploma bat eta 100 euro emango dizkiote saritzat. Dirua Danerik Paraje elkartearen barruan dauden dendetan gastatu beharko du.

Larrabetzuko Bizkargi Dantza Elkarteak bideoklipa plazaratu du

  Musika  Larrabetzu

Larrabetzuko Bizkargi Dantza Elkarteko gazteek koreografia egin dute Xabi Solanoren "Erre Zenituzten" kantan oinarrituz. Gaizka Peñafielek eta Asier Olazarrek egin diete bideoklipa.  

LABek euskal Estatua eskatu du Txorierrin

  Enpresa  Txorierri

LABek euskal Estatua eskatu du Txorierrin

Laster Maiatzaren Lehena izango da. Horren haritik, LAB sindikatuak ekitaldi bat antolatu du gaur, apirilaren 25ean, Txorierrin, eta bertan, sindikatuko kideen artean, Ainhoa Etxaide idazkari nagusia ere izan da. Goizean, 9:00etan, Troquenor enpresaren aurrean, Sondikan, Industria 4.0? Industria 4, prekarietatea 4 hitzaldia eskaini dute. Beranduago, Urdulizko ospitalera joan dira, propaganda banatzera. Azkenik, Bizkaiko Teknologia Parkeko sarreran batu dira, Zamudioko gasolindegiaren alboan, eta LAB sindikatuko kide bik hitzaldi txiki bat eman dute. 

Palometa popieta otarrainxka bihotzarekin

Erabiltzailearen aurpegia   Sukaldaritza

Palometa popieta otarrainxka bihotzarekin

Lagun birentzat

 

Osagaiak

Palometa xerra bi

Otarrainxkak

Tipula bat

Porru bat

Azenario bi

Arroza

Patata bi

Brandy apur bat

Piperrauts gozoa

Tomate bat

Saltsa amerikarra

Arrain fumet-a

Atera giltzak

Erabiltzailearen aurpegia   Iritzia

Atera giltzak

“Neure kontzientziak pisu handiagoa du mundu guztiaren iritziak baino”, aldarrikatu zuen Zizeronek. Iritzia. Zerbaitez edo norbaitez eta, bereziki, gai edo arazo eztabaidagarri batez pentsatzen dena. Batzuek, Zizeronek bezala, ez dute inolako arazorik eurena partekatzeko. Beste batzuek, poltsikoan eraman ohi dute iritzia, eta atera ere etxeko giltzak kale erdian ateratzen diren moduan ateratzen dute: zertarako?

Neskak eta mutilak

Erabiltzailearen aurpegia   Iritzia

Neskak eta mutilak

Egilea: Aingeru Mayor eta Susana Monteagudo.

Argitaletxea: Litera libros.

Liburutegietan dago irakurgai. 

 

Aingeru Mayor haur sexologian da aditua. Horren haritik, gurasoentzako hitzaldi eta ikastaro arrakastatsuak eman ditu, bai Euskal Herrian, bai Estatu mailan. Mayor irakaslea da Euskal Herriko Unibertsitatean, baita Crysallis elkartearen presidentea ere. Elkarte hori ume eta gazte transexualen familiek osatzen dute. Bere lanak aitzindaria dira eta zortzi hizkuntzara itzuli dira.

 

Jatabeko abadea, medikua, idazkaria eta astoa

Erabiltzailearen aurpegia   Iritzia

Jatabeko abadea, medikua, idazkaria eta astoa

Anekdota hau aspaldian gertatu zen. Aldi hartan, ez zen behar Google maparik, astoak ondo ezagutzen zituen bide-zidorrak-eta. Jataben –Jata mendiaren magaleko herrian– gaixotu egin zen Mau­ri errotaria, eta Begoña emaztea me­dikuaren bila abiatu zen urira. Zoritxarrez, doktorea musean jokatzen aurkitu zuen taldean, abadearekin eta udal-idazkariagaz batera. Orduan, iluntzea zenez, urruneko errotara laguntzeko eskatu zion osagileak apaizari.

Lejarragak Ameriketan debutatuko du

  Kirolak  Txorierri

Lejarragak Ameriketan debutatuko du

Ekaina aldera, Morgako Errebolberrak DiBella Entertaiment enpresako Lou DiBella promotorearekin debutatuko du AEBetan: “Lou DiBella gutaz fidatzea sekulakoa da niretzat. Duela urte batzuk imajinaezina zen Estatu Batuetatik Morgako ni bezalako mutil batean fijatzea. Amets bat bizitzen ari naiz”, aitortu du Kerman Lejarragak.

 

Nabarmenak