Logoa
Logoa

Korrikaren hasiera, aikor.eus webgunean zuzenean

  Euskera  Txorierri

Korrikaren hasiera, aikor.eus webgunean zuzenean

Korrikaren 20. edizioa abiatuko da martxoaren 30ean Otxandion. 1980. urtean jarri zituen lekuko batek lehen aldiz euskaldunak eta euskaltzaleak korrika, eta 17 urte geroago, hogeigarren edizioan ere, ez dira faltako hasiera horretako emozioa eta grina. Guztiok biltzen gaituen ekitaldi horren garrantzia aintzat hartuta, ohar hau sinatzen dugun euskarazko hedabideek irteeran eta amaieran, Otxandion eta Iruñean, elkarlanean telebista saio bateratu bana egitea erabaki dugu Korrikak gizartean duen babesaren adierazle. 

BatZuk: euskararen lau aurpegi dokumentala

Korrikaren 20. edizioaren haritik, AEK-k BatZuk: euskararen lau aurpegi dokumentala plazaratu du. Bideoa hemen ikusteko aukera dago.  

Larrabetzuko galdetegiaren eguna, irudietan

  Politika  Larrabetzu

Martxoaren 19an Larrabetzuko herritarrek euskal Estatu burujabearen aldeko botoa eman zuten. Bozketaren inguruan jai-eguna antolatu zen. Hona hemen argazki-galeriarik oparoena, Gaizka Peñafielen eskutik.   

»» Ikusi argazki guztiak (85)

Herritarren txanda

  Politika  Larrabetzu

Herritarren txanda

Martxoak 19 gogoan izateko eguna izango da. Izan ere, Ebatzi Larrabe­tzuko Gure Esku Dago taldeak herri-galdeketa antolatu du. Horrek aukera emango die lehendabiziko al­diz larrabetzuarrei Euskal Herriaren estatus politikoari bu­ruzko iritzia emateko. Bozketarekin batera jai eguna os­patuko dute herrian.

Negu García Ayarza | Motorren sendagilea

  Gizartea  Larrabetzu

Negu García Ayarza | Motorren sendagilea

Motorretaz bizi da Negu. Ikasketak bukatu ostean, Mercedes eta Audi bezalako tailerretan ibili zen mekanikari, baina lan baldintzekin pozik ez zegoenez, Larrabetzun JJ Tailerrak izeneko garaje propioa zabaltzea erabaki zuen (Jon eta Jon Negu lankideen artekoa) duela hiru urte. Herriko auto tailer bakarra da, eta herritarrek ez dute zertan autoa Galdakao edo Bilbora eraman behar.

Laburbira, euskarazko film laburren zirkuitua

  Euskera  Sondika

Laburbira Euskaltzaleen Topaguneak antolatzen duen euskarazko film laburren zirkuitua da eta aurten 14. aldiz egin da. Horrek euskarazko film laburrak eta haien egileak ezagutaraztea du helburu, ikusleek hauek ezagutu eta beraiekin gozatzeko aukera emanez. Sondikan martxoaren 11n egon zen pelikulak ikusteko aukera.  

 

Hamaika urte bueltaka, gure artean

  Gizartea  Sondika

Hamaika urte bueltaka, gure artean

Milurte berriak aldaketa ugari ekarri zituen. Horietako bat Kebab jatetxeen booma izan zen. Lehen kontaktua Madril eta Bartzelonan izan zen, eta sekulako inpaktua izan zuen gastronomian. Txorierrin hamarkada bat daramate Döner Kebab jatetxeek, eta gazte askoren egunsentiak poztu dituzte. Sondikan Shahid Igbal eta Ahtisman-Saif ostalariek horrelako bat ireki zuten duela 11 urte.

Taberna Ibiltariaren azkenaurrekoa

  Musika  Txorierri

Taberna Ibiltariaren azkenaurrekoa

Orain dala urte bi, Taberna Ibiltaria taldeko lagunak egun batzuk pasau ebezan Zamudioko txoko baten, kanta batzuk grabatzeko asmoagaz. Harrezkero, euren lehenengo diskoa eroan eben kalera. “Behar genduazan baino kanta gehiago grabau genduazan”, azaldu deusku Alfon Atela kideak. Orain, bigarren beharra plazaratzea erabagi dabe, Taberna I2iltaria. Taldekideek helburu berari eutsi deutsoe: kantatzen daben bitartean ondo pasatzea eta euskal kantutegia, betikoa, zabaltzea.

Sondikako Inauteriak 2017, irudietan

  Festak  Sondika

a: Jon Goikouria Larrabeiti


Sondikako inauteriak Txorierriko jendetsuenak dira eta aurreko asteburuan, martxoaren 3tik 5era bitartean ospatu ziren. Ken Zazpi eta Hardcore.exe taldeek kontzertuak eskaini zituzten, kalejira handi batek herria zeharkatu zuen, baina batez ere giro ona eta mozorroak izan ziren nagusi. Hona hemen Jon Goikouria Larrabeitik egindako galeria.   

»» Ikusi argazki guztiak (23)

Etxetik urrun hiltzen direnen ahotsak

  Gizartea  Loiu

Etxetik urrun hiltzen direnen ahotsak

Txorierriko hilerri guztien artean, ezohikoena da Britainiarren kanposantua. Loiuko Britainiar hilerria 1929ko maiatzetik dago gure haranean, eta jende gutxik ezagutzen du bere hormek gordetzen duten historia eta istorioa. Antzina, Bilboko Inglesen Kanpan egondako Zazpi Zuhaitzen Irla izan zen. Gaur, isiltasuna eta bakardadea da nagusi bertan.

Loiuztar bi, VI. Raid Pandemonium Rallyra

  Kirolak  Loiu

Loiuztar bi, VI. Raid Pandemonium Rallyra

Ostiral honetan, Manu eta Javi Blanco pilotu loiuztarrak Marokoko Raid Pandemonium rallyra abiatuko dira euren Fiat Panda 4x4 Sisley-ean. Lehiakortasunaz gain, txapelketa honek izaera solidarioa dauka, lasterketa igarotzen den herrietan donazioak egiten direlako. Manu eta Javiren kasuan, Danontzat erakunde ongilearen, Aibalaostia Basque Factory arropa enpresaren eta Loiuko Udalaren laguntza jaso dute ume eta familia behartsuenei arropaz beteriko kutxak eramateko.

Laburbirari buruzko xehetasunak Leire Lardizabalekin

  Kultura  Txorierri

Topaguneko langile eta Laburbiraren arduraduna den Leire Lardizabalek zehaztasun guztiak eman zizkigun. 

Zamudioko radarra lehen emaitzak jasotzen hasi da

  Hirigintza  Zamudio

Zamudioko radarra lehen emaitzak jasotzen hasi da

Zamudioko Udalak 2016ko abuztuan Eleizaldeko plazan ezarritako radar kutxaren abiadura-neurgailuak lehen fruituak jasotzen ari da. Ezarri zenetik, inolako isunik jarri gabe, autoen abiadura nabarmenki astirotzea lortu du gailuak, Udalaren arabera. Horrela adierazi dute herrian zehar sei hilabeteetan zehar egin diren abiadura neurketek. 2015eko urriaren 8an eta azaroaren 20an bitarteko 45 egunetan egindako neurketek adierazi dute 687 ibilgailuk 60 km orduko abiadura gainditu zutela, eta 8.639k 50 km orduko abiadurak gainditu zituztela. “Aurten 18 eguneko neurketa egin da eta hiru ibilgailuk gainditu dute 50 km orduko abiadura”, azaldu du Udalak argitaratu berri duen prentsa oharrak.

Autobus zerbitzu bi, Korrika 20ra

  Euskera  Derio

Autobus zerbitzu bi, Korrika 20ra

Txepetxa euskaltegiak, Derioko Udalaren laguntzarekin, autobus zerbitzua ezarri du Otxandio eta Iruñeara. Martxoaren 30ean Otxandiora doana 11:00etan irtengo da. Apirilaren 9an, Iruñean izango den Korrika bukaera festarakoa 09:00etan izango da.

Erresuma Batuko enbaxadoreak Britainiar Hilerria bisitatu du

  Gizartea  Loiu

Erresuma Batuko enbaxadoreak Britainiar Hilerria bisitatu du

Martxoaren 9an Simon Manleyk, Erresuma Batuko enbaxadorea Espainian, Loiuko Britainiar Hilerria bisitatu zuen. Ekitaldian Josu Andoni Begoña alkatea egon zen, aditu batzuekin batera. Britainiako Koroaren propietatea den hilerriaren inguruko xehetasunez mintzatu ziren bertan. Gaur egungo Britainiarren Hilerria Zazpi Zuhaitzen Irla bezala ezaguna izan zen 1929ra arte, Abandoibarran (Bilbo) zegoen garaian. Hilerriaren inguruko istorio osoa artikulu honetan topa dezakezu.

Elkarrekin ikusgai egiten gara

Erabiltzailearen aurpegia   Iritzia

Elkarrekin ikusgai egiten gara

Gaur egun emakumeok hitza dugu, agerian gaude, baina ez gara ikusgai. Idatzi, margotu, konposatu, artea sortzen du­gu, etxeko eta zaintza la­nak egiten ditugu, ikertzaileak gara, kirol txapelketetan eta hainbat jardueratan hartzen dugu par­te… baina ez gara ikusgai. Biluzten gaituztenean eta hiltzen gaituztenean, or­duan bai, orduan bai ikusgarriak, eta guk horrela nahi ez.

Martxoak 8, Txorierrin

  Gizartea  Txorierri

Txorierrin hasi gara Emakumeen Nazioarteko Eguna ospatzen. Asteburu honetan, esate baterako, ekitaldi bi egin dituzte Larrabetzun eta beste bat, Derion. Gainera, martxoaren 8aren haritik, Txorierriko Zerbitzuen Mankomunitateak egitarau oparoa prestatu du datozen egunei begira. 

»» Ikusi argazki guztiak (11)

Ken Zazpi, Sondikako Inauterietan

  Musika

Ken Zazpi taldeak kontzertu ikaragarria eskaini zuen Sondikak, Inauteriak direla-eta. Gaizka Peñafiel bertan egon zen eta argazki batzuk atera zituen. 

»» Ikusi argazki guztiak (20)

Larrabetzuk bat egin du “Izarrekin Sara etxera” kanpaniarekin

  Gizartea  Larrabetzu

Larrabetzuk bat egin du “Izarrekin Sara etxera” kanpaniarekin

Larrabetzuko lagun batzuek solidaritatea adierazi zuten “Izarrekin Sara etxera” kanpainarekin. Horretarako, martxoaren 2an, guraso eta seme-alaba batzuk herriko plazan batu eta bertan izar formazioa osatu zuten. Gero, argazki batzuk atera zituzten eta gizarte-sareetatik zabaldu zituzten. “Izarrekin Sara etxera” kanpaina Euskal Herri mailan sortu da, Sara Majarenas presoa babesteko. Azken egunotan, mugimenduak hainbat atxikimendu jaso ditu eta herri batzuetan manifestazioak ere badabiltza antolatzen.

 

Sondikako Inauteriak hasiko dira, ostarteetan bada ere

  Festak  Sondika

Sondikako Inauteriak hasiko dira, ostarteetan bada ere

Euriaren mehatxupean, gaur 16:00etan hasiko dira Sondikako inauteriak, txupinazoaren eztandarekin. Urtero bezala, tren zerbitzu berezia antolatu du Euskotrenek eta karpa erraldoia prest dago euritik babestuta egoteko.

Nabarmenak