Noranzko bakarreko bidea, Sondikako Uribe kalean
api 15, 10:47 Sondika
Sondikako Udalak jakinarazi duenez, Uribe kaleko bidea, Geltoki tabernaren eta Atarrabi tabernaren izkinaren arteko tartean hain zuzen, norabide bakarreko bide bihurtzen dabiltza. Neurriak “inguruko ikusgarritasuna eta segurtasuna hobetzea” du helburu, eta “bizilagunen kexei eta eskaerei erantzuten die”. Azaldutakoaren arabera, aparkalekuak mantenduko dira eta zamalanetarako gunea atonduko da. “Gainera, elementu mugatzaileak jarriko dira, gaizki aparkatzea saihesteko”.
Mendekotasunari buruzko hitzaldiak
api 12
Zainduz programa berriro ipini du martxan Txorierriko Mankomunitateak. Programaren baitan, hitzaldiak egingo dira datozen egunetan. Hitzaldiak herritar guztientzat dira eta haietan hirugarren adineko pertsonei, mendekotasunari, zaintzaileei eta familiei lotutako hainbat alderdi landuko dira. Hitzaldietan parte hartzeko, izena eman behar da aldez aurretik.
