Martxa nordikoak kirola, osasuna eta turismoa uztartzen ditu tokiko garapena lortzeko. Larrabetzuko zentroak bat egingo du Nordic Walking Zentroen Sarearekin. Gaur egun, Euskadiko 30 udalerri eta Nafarroako sei udalerri daude sare horren barruan
11:00etan, Nekazamudio azoka, Kultura Etxean.
Karate Bizkaiko Federazioak antolatuta, bihar, urriak 5, hitzordu garrantzitsu bi izango dira Derioko kiroldegian. Alde batetik, Bizkaiko Karate Txapelketa egingo da 30. aldiz, junior/kadete kategorian; eta bestetik, Kumite eta Kata Banakako Txapelketa, 21 urtez azpiko kategorian. Azken txapelketa hori 12. aldiz egingo da. Pisatzea 15:30ean hasiko da eta txapelketei 16:00etan emango zaie hasiera.
Emakundek bultzatutako Beldur Barik lehiaketak 10 urte bete ditu eta Txorierrik bat egin du saioarekin. Honek gazteen artean errespetua, berdintasuna eta indarkeria sexistaren aurkako jarrerak bultzatzea du helburu. Lehiaketa 12 eta 26 urte bitarteko gazteei zuzenduta dago eta nesken ahalduntzea zein mutilen konpromisoa erakusten dituzten jarrerak sarituko ditu.
Derioko San Migel plaza kolorez jantziko dute jai-batzordeko kideek irailaren 27tik urriaren 6ra. Programazioak aldaketa erraldoirik egiteko beharrik ez du jai hauetako publikoa alaitzeko, ekitaldi ugari antolatuko dira-eta jai-batzordearen 55. urteurrenean. “Denborak aurrera egin ahala programazioak aldaketa gutxi izan ditu, jendeari gustatzen zaion hori eskaintzen dugulako” adierazi du Olatz Santiagok, jai batzordeko kideak.
Urriaren 1etik 31ra VII. Urri Gastronomikoa ekimena antolatuko dute Uribek, Jata-Ondok, G Euskadik eta Euskadi Basque Countryk, Bizkaiko Foru Aldundiak eta Eusko jaurlaritzak lagunduta. Hamaika Kolore, Hamaika Zapore lelopeko ekimen honetan menu bereziak, bisitak, ekitaldi gastronomikoak, tailerrak, dastaketak… etab prestatuko dira.
ZEN meditazino ikastaroa, Eskolako areto nagusian. Urriaren 4an (20:00), 5ean (11:00) eta 6an (11:00)