Igandea, azaroak 27

23:59

Izena ematea - Gabonetako ekintzak

Gaurtik eta barikura arte, hau da, azaroaren 21etik 25era bitartean, izena eman daiteke Sondikako Ludoteka txikiak (2015-2019), Ludoteka gazteak (2010-2014) eta Gaztetxeak Gabonetarako antolatu dituzten ekintzetan. Besteak beste, irteerak egingo dituzte txikiparketara, BECeko UGPera eta bolaleku batera. Izena ematea Ludoteka gaztean egin daiteke 19:00etatik 21:00etara, eta Gaztetxean. Zozketa azaroaren 30ean egingo da. Informazio gehiago hemen. 

18:30

23:59

Azaroak 25 - Ekintzak Derion, Koxakek antolatuak

Barikuan, azaroak 25, Emakumeen Kontrako Indarkeria Desagerrarazteko Nazioarteko Eguna izango da. Dataren harira, Koxak Derioko talde feministak hiru ekintza antolatu ditu aste honetarako: eskola feminista, elkarretaratzea eta zineforuma.

23:59

Filma - Padre no hay más que uno 2

Filma - Padre no hay más que uno 2. Azaroaren 25etik 27ra, gaztegunean.

23:59

Tailerra - Sukaldaritza

Sukaldaritza tailerra, azaroaren 25etik 27ra, gaztegunean.

12:00

23:59

Azaroak 25 - Ekintzak Zamudion

Lanak Txorierriko Mankomunitateko Berdintasun Zerbitzuaren laguntzarekin egin ditu, eta aktore zenbait zamudioztar ibili dira. Film laburren bidez, Zamudioko Udalak bat egiten du Emakumeen Kontrako Indarkeria Desagerrarazteko Nazioarteko Egunarekin, eta salatzen ditu egunerokotasunean ohikoak diren eta genero-indarkeriaren adibideak diren egoerak. Herritarrei zer pentsatua emateko bideoak dira, eta errebindikazio-mezuak ere zabaltzen dituzte, hala nola “Beldur gabe bizi nahi dugu”, “Kontrola ez da maitasuna” eta “Ez da laguntza, erantzunkidetasuna da”.

20:00

23:59

Azaroak 25 - Ekintzak Sondikan, Garrasiak antolatuak

Garrasia Sondikako talde feministak zenbait ekintza antolatu ditu Azaroaren 25aren inguruan. Horrela, hilaren 6an Magma mia! bakarrizketa gozatu zuten Beatriz Egizabalen eskutik, eta elkarretaratzera deitu dute barikurako, azaroak 25. Hitzordua 20:00etan ipini dute Ikurrina enparantzan, eta bertan “Aurre egingo dizueten emakumeak” ekintza ere egingo dute. Azkenik, azaroaren 27rako antolatu dute sexu-esplotazioari buruzko hitzaldia. Hori Emargi elkarteko Lucia Nietok zuzenduko du eta 18:00etan izango da Kultur Aretoan.

22:00

23:59

Udazkena martxan, Derion

Derioko Udalak jakinarazi duenez, asteburuan, azaroak 26 eta 27, “Udazkena martxan” ekimena egingo dute, “udalerrian kulturako eta aisialdiko jarduerak sustatzeko”. Lehen edizioa jardueraz beteta etorriko da eta frontoiaren ondoko pista estalietan egingo dira. Sarrera doakoa izamgo da eta txosna eta gaueko autobus-zerbitzua egongo dira. Zapatuan, Oxabi taldeak musika-saioa egingo du 22:00etan, eta 01:00etan Dj Markelinek hartuko du lekukoa. Domekan, 12:00etan Go!azen ikuskizuna izango da, eta 19:00etan, Puro Relajo taldearen kontzertua.