Lanak Txorierriko Mankomunitateko Berdintasun Zerbitzuaren laguntzarekin egin ditu, eta aktore zenbait zamudioztar ibili dira. Film laburren bidez, Zamudioko Udalak bat egiten du Emakumeen Kontrako Indarkeria Desagerrarazteko Nazioarteko Egunarekin, eta salatzen ditu egunerokotasunean ohikoak diren eta genero-indarkeriaren adibideak diren egoerak. Herritarrei zer pentsatua emateko bideoak dira, eta errebindikazio-mezuak ere zabaltzen dituzte, hala nola “Beldur gabe bizi nahi dugu”, “Kontrola ez da maitasuna” eta “Ez da laguntza, erantzunkidetasuna da”.
Euskaraldia, Lezamako ludotekan. Azaroaren 28tik abenduaren 1era. Ludotekan.
Derioko gazte boluntario batzuek jostailu bilketa solidarioa antolatu dute azaroaren 28tik abenduaren 12ra bitarterako. Jostailuak Kultur Birikan batuko dituzte egun guztietan, jaiegunetan ere, 11:00etatik 13:00etara. Gainera, eguen eta barikuetan arratsaldean ere jasoko dituzte jostailuak, 17:00etatik 19:30era. Batzen diren jostailuak abenduaren 13tik 23ra bitartean banatuko dira. Gazteei laguntza eman diete Derioko Udalak, Emausek, Novisik eta Apnabik.