Igandea, azaroak 23

11:00

Azoka solidarioa

Gabonetako ekitaldiekin bat eginez, Gorondaganeko Gurasoen Elkarteak jostailuen bilketa eta azoka solidarioak egingo ditu azaroan zehar. Jostailuen bilketa hilaren 17tik 20ra izango da ikastetxeko IFEren bulegoan, eta bertan boluntarioek bigarren eskuko liburu, panpina zein jolasak jasoko dituzte. Bilketa hau arratsaldeko 16:00ak eta 16:30ak bitartean izango da. Azoka, berriz, Goiri Erdiko Enparantzan ospatuko da, azaroaren 23an, domeka, goizeko 11:00ak eta 14:00ak bitartean.

11:00

Tantra eta sexualitate tailerra

Domekan, azaroaren 23an, Garrasia Talde Feministak tantra eta sexualitate tailerra antolatu du. Antolatzaileen esanetan, “gure gorputzek, plazerek eta energiek duten jakinduria berreskuratzeko espazioa” izango da, eta “gure gorputza erdigunean jarriko” da. Euskaraz egingo den tailer hau goizeko 11:00etan izango da, Sondikako Artebe Kiroldegian. Izena eman beharko da, garrasiatf@gmail.com helbidera idatzita.

11:00

Derioko hilerrira bisita

Domekan, azaroaren 23an, Lezamako Zorrizketan euskara elkarteak bisita gidatua antolatu du Derio eta Zamudion dagoen Bilboko hilerrira, “Bizkaiko historia beste ikuspuntu batetik ezagutzeko”. Bertan, zirkuan hildako haurren panteoia, Negurikoen jauregiak, gerrako fusilamenduen aztarnak edota Pitxitxi eta Gabriel Aresti bezalako pertsonaia esanguratsuen hilobiak bisitatuko dira. Bisita goizeko 11:00etan hasiko da, hilerriko sarreratik abiatuta. Lezamatik trenez joatekotan, 10:37ko trenean geratuko dira bisitariak.