Atzo, apirilak 22, haurreskoletan izena emateko epea ireki zen eta hori maiatzaren 10era arte egongo da zabalik. 2023n eta 2024an jaiotako umeen gurasoek edo legezko tutoreek Haurreskolak Partzuergoko zentroetan eskatu dezakete plaza, online zein aurrez aurre. Behin-behineko zerrendak ekainaren 10ean argitaratuko dira. Informazio gehiago, hemen http://www.haurreskolak.eus/.

EAJk irabazi ditu Eusko Legebiltzarrerako hauteskundeak, baina eserlekuetan EH Bildurekin berdinduta: 27na eserleku lortu dituzte alderdi biek. EAJk 370.554 boto izan ditu Euskadin, 2020an baino 20.594 boto gehiago, baina lau eserleku galdu ditu. EH Bilduk, bestalde, 341.735 boto lortu ditu, aurreko hauteskundeetan baino 92.155 boto gehiago, eta sei eserleku irabazi ditu. Txorierrin ere EAJ izan da boto gehien eskuratu dituen alderdia: 5.304 boto, 2020an baino 176 boto gehiago. EH Bildu, bigarren alderdia izan da, 3.943 boto lortu ditu eta, aurreko hauteskundeetan baino 1.152 boto gehiago.