San Isidro jaietako baitan, herri azoka egingo da Derion, maiatzaren 11n. Besteak beste, erakusketak, tailerrak, derioztarrek egindako artisau-lanak eta informazio-gunea izango dira azokan. Bertan parte hartu nahi duenak mezua idatzi behar dio jai-batzordeari, hurrengo helbide elektroniko honetara: sanisidrojb@gmail.com.

Zapatuan, otsailak 24, Euskal Herriko Putxera Txapelketa egingo da Larrondoko frontoian. Loiuko Udalak antolatuta, txapelketak hiru kategoria izango ditu: Euskal Herriko saria, Loiuko saria eta Herrialdeko saria. Azaldutakoaren arabera, txapelketan inoiz baino sari gehiago emango dira, guztira 42, eta udalak 6.300 euro banatuko ditu irabazleen artean; era berean, txapelak, saskiak, ardoa eta txakolina emango dira saritzat.