Aimar, Azken Barikuak kontzertu-sailean
api 24, 11:02 Lezama
Oxangoiti Lezamako kultur elkarteak Azken Barikuak kontzertu-saila antolatzen du hilero. Apirilaren azken barikuan, hilak 26, Aimar izango da Oxangoitin, ekimenaren baitan, bere bakarkako lehen lana aurkezten. Aimar Dientes de Luna taldeko kidea izan da. Gernikarrak rock estiloko abesti intimoak batu ditu diskoan. Kontzertua 20:30ean hasiko da.
Danbor-banda feministaren tailerrak Lezaman
api 24, 10:28 Lezama
Silvia Palumbo Argentinako kantautoreak eta aktibista feministak zuzenduta, maiatzean danbor-banda feministaren tailerra egingo da Lezaman. Guztira hiru saio izango dira: maiatzaren 7an, 21ean eta 28an. Saioak Uribarri Topalekuan egingo dira 17:30etik 20:00etara. Maila ertaineko tailerra izango da eta izena ematea berdintasuna@txorierri.eus helbide elektronikora idatzita egin daiteke, edo 688 654 649 telefono-zenbakira deituta. Lezamako Udalak, Moreak talde feministak eta Berdintasun Kontseiluak antolatutako ekintza da.
