Esku-hartze sozialeko langileak greban
api 17, 10:19
LAB eta ESK sindikatuek grebara deitu diete Bizkaiko esku-hartze sozialeko langileei gaurko, apirilak 17. Gainera, aurreko egun bietan baraualdia ere egin dute Bizkaiko Foru Aldundiaren aurrean; baraualdia gaur amaituko dute. ELA sindikatuak ere greba egiteko deia egin die langileei gaurko eta maiatzaren 8rako. Grebak eragina izan dezake, besteak beste, udaletako kultura-zerbitzuetan eta -tailerretan.
Garbigune mugikorra Sondikan
api 17, 09:58
Bihartik aurrera, apirilak 18, eta maiatzaren 2ra arte garbigune mugikorra izango da Sondikan; Txorierri Etorbidean (22-24) hain zuzen ere. Besteak beste, hauek eraman daitezke hara: etxeko tresna elektriko txikiak, sukaldeko tresnak, sukaldeko olioa, telefono mugikorrak, kableak, pinturak eta disolbatzaileak, aerosolak, xurgatzaile kutsatuak, tonerrak, tinta-kartutxoak, kapsula metalikoak eta plastikoak, pilak, CDak, DVDak eta kaseteak.
