Loiuko farmazia zaharra da Txoribikers motorzaleen taldearen egoitza duela zortzi urtetik hona, eta zapatuan, urriak 21, haren urteurrena ospatuko dute. Ospakizun-jaia arratsaldean egingo dute egoitza bertan, Zabaloetxen, eta giro ederra egoteaz gainera, The Cowboy musikariaren kontzertua gozatzeko aukera egongo da 20:30etik aurrera.

Mies van der Rohe Fundazioak 1988. urtean sortu zituen Bartzelonan Europar Batasuneko Arkitektura Garaikidearen Sariak, Europan egindako eraikin arkitektonikoen bikaintasuna eta arkitekto graduatu berrien gradu-amaierako lana aintzat hartzeko. Orotara 38 herrialdetako 362 eraikin proposatu dituzte 2024. urteko ediziora eta haien artean dago APNABI Autismo Bizkaiak Derion duen eraikina.