Desgaitasuna duten edo DSBEa jasotzen duten lagunentzako prestakuntza

Txorierri

EGAZ Txorierrik, Txorierriko Mankomunitatearen Sustapen Ekonomiko eta Enpleguko Zerbitzuak, merkataritza eta marketinaren inguruko prestakuntza emango die 10 lagunei; zehatz-mehatz, merkataritzako jarduera osagarriei buruz. Parte-hartzaileek praktikak egingo dituzte enpresetan eta, gainera, lanean hasteko aukera handia izango dute. Ikastaroa desgaitasuna dutenentzat edota diru-sarrerak bermatzeko errenta (DSBE) jasotzen dutenentzat da, baita beste kolektibo behartsu batzuentzat ere, eta Bizkaiko Foru Aldundiko Enplegu, Gizarteratze eta Berdintasun Sailak % 100ean lagunduko du diruz. Parte-hartzaileek baldintza hauek bete behar dituzte: langabeak izan, Lanbiden izena emanda egon eta Bizkaian erroldatuta egon.

San Joan sua

Txorierri

Arbasoen ohiturari eutsi, eta bart suak piztu genituen eguzkiari indarra emateko. Zaharra edota txarra ere erre genuen etapa berri bat hasteko. Suaren inguruan hainbat ekintza egin ziren, hala nola antzerkia, musika, ipuin-kontalariak eta merienda-afariak.