Derioko Udalak jakinarazi duenez, 2024ko Tokiko Enplegua Sustatzeko Plana onartu dute, eta horren baitan kontratatuko da, besteak beste, uretako sorosle bat. Deialdiaren oinarriak udalaren webgunean www.derio.eus eta EGAZ Txorierriren webgunean www.egaz.eus kontsultatu daitezke. Eskabideak apirilaren 26ra arte aurkeztu daitezke udaletxean edo Gertuan bulegoan. Informazio gehiagorako, udaletxera jo daiteke: 944 541 019.

Josu Andoni Begoña Loiuko alkateak jakinarazi duenez, udalak Landatxueta kluba erosi du eta horren truke 400.000 euro ordaindu ditu. Azpiegitura enbargatuta zegoen eta irteera-prezioa 2,3 milioi eurokoa zen; hala ere, udalak askoz gutxiago ordaindu du, % 82 gutxiago hain zuzen. Guneak 30.000 metro koadro ditu, eta udalak espero du bertan zenbait kirol-egitasmo martxan ipintzea; lehena udal-igerilekuak egitea izango da.