api 18, 11:54 Zamudio
Ohikoa denez, ekainaren azken zapatuan Lagatzu Eguna – Euskal Jaia egingo du Zamudioko euskara elkarteak, eta zamudioztarrei batzarrera deitu diete zapaturako, apirilak 20. Batzarraren helburua da ospakizunari lotutako ekintzak antolatzen hastea. Batzarra goizeko 12etan izango da elkartearen lokalean. Lagatzu Eguna – Euskal Jaia da Zamudioko urteko hitzordurik garrantzitsuenetako bat eta bertan herriko elkarte guztietako ordezkariek hartu ohi dute parte.
api 17, 10:19
LAB eta ESK sindikatuek grebara deitu diete Bizkaiko esku-hartze sozialeko langileei gaurko, apirilak 17. Gainera, aurreko egun bietan baraualdia ere egin dute Bizkaiko Foru Aldundiaren aurrean; baraualdia gaur amaituko dute. ELA sindikatuak ere greba egiteko deia egin die langileei gaurko eta maiatzaren 8rako. Grebak eragina izan dezake, besteak beste, udaletako kultura-zerbitzuetan eta -tailerretan.