Santzoka elkarteak badu bere bloga

Derioko Santzoka gazte elkarteak bloga abian jarri berri du www.blogari.net/santzoka helbidean. Horrezaz gainera, txalaparta ikastaro bat prestatzen dabiltza, eta bertan parte hartu nahi dutenek eurekin jar daiteke harremanetan, santzoka@gmail.com korreoko helbidera mezu bat bidalita. Beste alde batetik, elkarteak truke azoka antolatu zuen abenduaren 29an, Derioko gaztelekuan. Azokan 20 bat lagunek parte hartu zuten, eta trukatzeko eraman zituzten gauzen artean hurrengo hauek aipa daitezke: arropa, diskoak, liburuak, aldizkariak eta bideojokoak. Gauzek ez zuten preziorik eduki; gazteek elkarri trukatu zizkioten beharrizanen arabera. Hainbat kurioso ere hurbildu ziren azokaraino.