Txapelketan 25 bikote ibili ziren, eta derioztarrek bederatzigarren postua lortu zuten; iaz baino 13 postu gehiago. Dantza hauek egin zituzten: sanba, txa-txa-txa, boleroa, pasodoblea eta jive (rock and roll). “Modurik onena izan da denboraldia amaitzeko. Izan ere, sakrifizio handiak egin behar izan ditugu, oso berandura arte entrenatzen ibili gara, 11 txapelketatan hartu dugu parte … Finalaurrekoetara ailegatzea sari handi-handia izan da”.