mai 13, 14:24 Derio
San Isidro jaiak aldaketaz beteta etorri dira aurten, eta handiena da jaiek bi asteburu iraungo dutela. Horrela, elkarteen asteburua egin da zapatuan eta domekan, maiatzak 11 eta 12, eta San Isidro jai-batzordeak adierazi duenez, espektatibak gainditu dira. “Oso eskertuta gaude: alde batetik, herri osoari, ekintzetan parte hartu izanagatik eta hain asteburu polita egiteagatik; eta bestetik, herriko elkarteei, izan ere, hau posible izan da jaietan 28 elkartek parte hartu dutelako eta bakoitzak ekitaldi bat edo bi antolatu dituelako”.