Apirilaren lehen domekan, hilak 2, Txakolinaren Eguna egingo dute XX. aldiz Larrabetzun, eta Txorierriko txakolinaren aurkezpena eta dastatzea izango dira bertan. Ohikoa denez, azokan zazpi ekoizlek hartuko dute parte: Gorka Izagirre eta Sasikoetxe (Larrabetzu); Basalbeiti, Erdikoetxe, Garkalde eta Magalarte (Lezama); eta Magalarte Zamudio. Topa 12:00etan egingo da plazan, Iñaki Suarez herriko sommelierraren eskutik.
Larrabetzuko Udalak jakinarazi duenez, kopak 1,5 euroan salduko dira, eta saldutako kopa bakoitzeko euro bat emango diote Bizkargi dantza-taldeari; taldea laguntzaile dabil prestatze-lanetan. Aipatutako txakolin-egileen postuez gainera, azokan 12 saltoki gehiago ipiniko dira eta ohiko produktuak jarriko dira salgai, hala nola ortuariak, taloa, gazta eta artisau-lanak.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).