Suak kalte handiak eragin ditu Lezamako Baserritarren Sindikatuan

Urtarrilaren 18an sutea izan zen Lezamako Baserritarren Sindikatuan. Sua gaueko 10:30ak inguru sortu zen elektrizitate-panel orokorrean. Bertara suhiltzaile-kamioi hiru hurbildu ziren, sutea amatatzera. Arantza Zaratek azaldu digunaren arabera, suak galera handiak eragin ditu sindikatuan. “Dena belztuta dago… Animalientzako pentsua, ongarriak… galdu ditugu, eta berton genituen txitak hil egin dira. Lehenengo pisuan ere hondamendi handia izan da: sabai-lanparak lurrera erori dira eta kristalak apurtu dira…”. Hala ere, zorionez, sua ez da fitosanitarioak gordetzen dituzten lekura sartu. “Onik atera dena ea baliagarria den ikusi beharko dugu orain”.