Carreraren helburuen artean, hauek azpimarratu dituzte: herriaren eta bertako biztanleen benetako beharrizanei erantzutea; ekologia-arloan jasangarriagoa den herria bermatzeko politikak egitea; feminismoan oinarritutako berdintasun-politikak sustatzea; euskara eta kultura eremu guztietan bultzatzea; herri integratzailea eta solidarioa sustatzea; eta ume, gazte eta nagusiek behar eta merezi dituzten arreta eta beharrizanak asetzea. “Horiek guztiak herritik eta herriarentzat”. Udal parte-hartzailea, gardena, eraikitzailea eta herriaren etorkizuna bermatzen duena lortzeko helburu duela, Carreraren hitzetan, ilusioz eta anbizioz hartu du erronka.
Haritz Carrera da EH Bilduren Lezamako alkategaia
Lezamako EH Bilduk jakinarazi duenez, Haritz Carrera aukeratu dute udal-hauteskundeetarako alkategai. “Nahiz eta jaiotzez bilbotarra izan, lanagatik eta egoera pertsonalagatik, oso gaztetatik harreman estu-estua izan du Txorierrirekin eta bereziki Lezamarekin eta lezamarrokin”, azaldu dute. “Betidanik izan da herri-mugimenduan inplikatuta, eta laguntzeko prest. Azken urteotan, langile-klasearen bizi- eta lan-baldintza duinen aldeko borrokan dabil sindikalgintzaren bitartez”.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).