Bigarren sarituak, bestalde, asteburuko menua dastatu ahalko du San Mameseko La Campa de los Ingleses jatetxean, eta museorako sarrerak ere jasoko ditu. Azkenik, bost hirugarren sari egongo dira eta irabazleek Athleticen 125. Urteurrenaren kamiseta bana jasoko dute saritzat. Lehiaketan parte hartzeko, leihoak eta balkoiak apirilaren 3a baino lehen apaindu behar dira, eta argazkia athletic@gureloiu.eus helbide elektronikora bidali. Mezuan adierazi behar dira etxearen helbidea eta parte-hartzailearen izena eta telefono-zenbakia. Argazkia bidaltzen duten lehenengo 150 pertsonari kamiseta berezi bana emango diete. Lehiaketaren oinarriak hemen kontsultatu daitezke.
Lehiaketaren irabazleak nortzuk diren Kopako finalaren atsedenaldian jakinaraziko da. Loiuko Udalak zenbait ekintza antolatu ditu egun horretarako: finala pantaila erraldoian ikusteko aukera egoteaz gainera, 19:30etik aurrera Koparen kamiseta bereziak banatuko dira agortu arte, eta 20:30etik 21:30era parrillada eta umeentzako festa izango dira; Xaiborrek azken hori girotuko du.