Loiuko motozaleen topaketa aldaketa inportantearekin etorri da aurten, lekuz aldatu dute eta. “Partxean herriaren izena duen Bizkaiko elkarte bakarra gara, eta nahi genuen topaketa herriko beste auzo batera zabaltzea. Jende gehienak gustura hartu du kokaleku-aldaketa, eta oso pozik gaude izandako erantzunarekin”. Moto ibilbideaz gainera, paella-jana, jokoak, drift erakustaldia, oparien zozketa eta kontzertua egon ziren.
Txoribikers Loiuko motozaleen elkarteak antolatuta, motozaleen topaketa izan da asteburuan, Larrondon. Hitzorduan 500 moto inguru batu ziren, eta antolatzaileak oso pozik azaldu dira ekintzak izan duen erantzunarekin. Azaldu dutenez, antolatutako ekitaldi guztiak ondo irten ziren eta moto-ibilbidean 200 moto inguruk hartu zuten parte.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).