Bestalde, Zamudioko Gaztestazioa UDA 2020 egitasmoa prestatzen hasia da. Udan bidaia antolatu ohi dutenez, baina aurten hori egin ahalko duten ez dakitenez, beste aukera batzuk aztertzen dituzte, osasuna arriskuan jarri barik, udako programarik gabe ez gelditzeko.
Lezamako Udalak, Derioko Udalak eta Loiuko Udalak aurten udalekuak bertan behera uztea erabaki dute, parte-hartzaileen guztien osasuna eta segurtasuna bermatzeko. Bakoitzak bere informazio-kanalaren bidez azaldu duenez, ez da erabaki erraza izan, “baina segurtasun- eta higiene-neurriak % 100ean bermatzeko zailtasunak ikusita, erabaki zentzuzkoa eta arduratsua da”. Nolanahi ere, udan egiteko beste aisialdi-aukera batzuk aztertzen dabiltza Derion eta Lezaman, eta Loiun herritarrek lana eta familia uztartu ahal izateko programa garatzen dabiltza.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).