Ospakizunak

20:00

Apirileko feria Baserri Antzokian

Bihar, maiatzak 3, Apirileko Feriaren zati bat ekarriko dute Txorierrira; izan ere, Baserri Antzokian jai flamenkoa antolatu dute. Jaia 20:00etan hasiko da, eta hara hurbiltzen dutenek musika flamenkoaz zuzenean gozatzeko aukera izango dute, Jose de Artek eta La Marak kontzertua egingo dute eta. Gainera, rebujitoak eta sevillanak egongo dira.

12:00

Loiuko gazte eguna

Loiuko Bakarrak gazte-elkarteak antolatuta, maiatzaren 4an ospatuko da Gazte Eguna Loiun. Aurreko edizioetan moduan, egun osoko egitaraua prestatu dute herriko zein inguruko gazteek ederto pasatu dezaten. Eguna hasteko, sormen-tailerra egingo dute 12:00etatik aurrera, eta 13:30ean triki-poteoa egongo da. Gazteen bazkaria 15:00etan izango da, eta bertan parte hartzeko, 686 256 854 telefono-zenbakira idatzi behar da. Menu beganoa nahi bada edo intolerantziarik izanez gero, hori ere zehaztu behar da. Sakatu elektrotxarangak Loiuko bazterrak girotuko ditu arratsaldean, eta kontzertuak 23:00etan hasiko dira: Nazka, Steady Rockets eta Amooma.