Txapelketan 18 urtetik gorako edozein pertsonak hartu dezake parte, eta gutxienez bikotekideetako batek Loiun erroldatuta egon beharko du. Izena ematea maiatzaren 27tik ekainaren 7ra arte egin ahalko da Loiuko udaletxean, 08:30etik 13:30era arte, edo udal-liburutegian, 16:00etatik 20:00etara. Kanporaketak ekainaren 14an eta 15ean jokatuko dira, eta finalaurrekoak eta finalak, ekainaren 16an.

Domeka goizean, maiatzak 19, Green Serie XCO txapelketaren probetako bat izango da Lezaman. Zirkuitua El Viveron atondu da, eta emakumezkoetan zein gizonezkoetan kategoria hauek egongo dira: kadete, junior, master 30, master 40, master 50/60, elitea eta 23 urtez azpiko kategoria. Guztira hiru txanda izango dira, eta lasterketak 09:30ean hasiko dira. Green Series XCO txapelketak zortzi proba ditu, eta Lezamakoa bosgarrena da.