Esandako bost herrialdeetako bikaintasun profesionaleko ikastegiek lankidetzan dihardute, herrialdeek ikuspegi komuna izan dezaten. Besteak beste, merkatuak energia jasangarriaren arloan dituen beharrizanei erantzuteko hezkuntza-materiala ekoiztuko da, sinergiak bultzatuko dira industriako ordezkarien eta Lanbide Heziketako (LH) erakundeen artean, LHren ikuspegi inklusiboa eta emakumeentzako erakargarria bultzatuko da, eta kalitateko kultura eta berrikuntza txertatuko dira hezkuntzan eta lanbide-heziketan.
Programaren baitan hurrengo jarduera hauek egingo dira: tokikoz eta nazioz gaindiko 28 lantegi, 600 profesional elkartuko dituzten Networkingeko ekitaldiak, nazioarteko mugikortasuneko programak LHko 45 ikasleentzat, bigarren hezkuntzako neskentzako bederatzi prestakuntza (180 partaide), gaitasunak garatzeko lau ekitaldi (erakunde bazkideetako 89 pertsona trebatuko dira) eta nazioz gaindiko hiru biltzar (210 partaide).
Jarduera horietako bat otsailean izan da Bilbon, Iberdrolaren Global Smart Grids Innovation Hubean hain zuzen. Bertan lanbide-heziketako ikastetxeen eta enpresen arteko kolaborazio-aukerak landu zituzten. Era berean, energia jasangarrien arloko langileen beharrizanak aztertu zituzten, eta LHko ikastegiek beharrizan horiei nola erantzun. Horrezaz gainera, egitasmoak LHko bikaintasunari nola lagundu ahal dion hausnartu zuten. Bestalde, energia iraunkorraren sektorean, Euskadik ardatz izango ditu adimen artifiziala, zibersegurtasuna eta IoT.
Atenasko West Atticako Unibertsitateak zuzentzen du SECOVE egitasmoa, eta Europar Batasunaren Erasmus+ programak finantzatzen du. Proiektuak Europako Itun Berdearekin egiten du bat.