Uritarra Larrabetzuko futbol-taldeak gutuna bidali zion Bizkaiko Epaileen Elkargori, Errebale futbol-zelaira eskola futboleko epaile euskaldunak bidaltzeko eskatzeko. Jakinarazi duenez, erantzuna jaso dute. “Hitz onak izan dituzte euskararen alde egiten dugun lanarekiko; hala ere, esan digute, haiek ere egunerokotasunean euskararen aldeko jardunbideak sustatzen saiatu arren, errealitatea dela ez dagoela nahi beste epaile euskaldun eta daudenek aktak gaztelaniaz sinatzeko joera dute”.

Eguenean, urtarrilak 19, eta Literaturaz Berbetan egitasmoaren baitan, Leire Ibargurenek idatzitako Petare. Miren Egigurenen puskak liburua hizpide izango dute Larrabetzun, egilea bertan egongo dela. Saioa 19:00etan izango da Anguleri kultur etxean.