Sondika Mendian egitasmoa bueltan da
mar 14 Sondika
Sondikako Mendian egitasmoari berriro ekin diote, eta martxoaren 30ean Arrazolako Bide Berdea ezagutzera joango dira. Familia osoarentzako ibilbidea izango da, eta bi ordu eta 30 minutu inguru iraungo du. Izena ematea martxoaren 25era arte dago zabalik, eta online egin daiteke, edo liburutegian astelehenetik barikura. Irteerak hiru euro balio ditu, baina doakoa da eskoako guraso elkartearen bazkide diren umeentzat.
Uriarte sondikoztarrak Bizkaia Torneoaren finala jokatuko du bihar
mar 13 Sondika
Emakumezkoen Esku-pilotako VII. Bizkaia Torneoaren finala bihar, martxoak 14, jokatuko da Bizkaia Frontoian. Alaia Uriarte Gordon sondikoztarra eta Lezamako Pilota Klubeko pilotaria finalera ailegatu da. Bikotekide Erasun izango du, eta Ibarrolaren eta Mendizabalen aurka jokatuko dute. Bestalde, bihar ere torneoaren hirugarren eta laugarren postuak jokatuko dira: Aldai eta Perez arituko dira Etxegarairen eta Capellanen kontra. Partidak 19:00etan hasiko dira, eta sarrerak www.entradafronton.eus webgunean erosi daitezke bost euroan.
