Zamudio Racing Elkarteak Zamudio Racing Eguna ospatuko du bihar bosgarren aldiz. Horretarako, taldeko pasio biak uztartuko dituzte: autoak eta bertsolaritza. Egitarau oparoa antolatu dute, “Hamaika gasolina erre” lelopean.

Atzo, 80 urte zituela, Koldo Agirre Athleticen futbolari ohia hil zen Bilbon. Sondikoztarra herriko taldean hasi zen futbolean jokatzen, baina, denboraren poderioz, talde zuri-gorriaren historiako futbolari handienetarikoa bihurtu zen. Erdilari fina izan zen, Guardiola edo Xaviren antzekoa, jokoa eraikitzen duen horietakoa, eta, horregatik, fielatoa” esaten zioten. Garai batean, “fielatoek” dena antolatzen zuten merkatuetan. Hileta bihar, uztailaren 5ean, Deustuko San Pedro elizan egingo da 18:00etan.