Josu Andoni Begoña Loiuko alkateak bere webgunean jakinarazi duenez, datorren asteetan hasiko da Larrondoko gimnasioa hornitzen. Azpimarratu duenez, Larrondokoa da Loiuko lehen udal-gimnasioa. Gimnasioan azken belaunaldiko makinak ipiniko dira, eta nahi duenak prestakuntza-ikastaro batean parte hartu ahalko du, makinak modu egokian erabiltzeko. Izena ematea irailaren 15etik aurrera egin beharko da udaletxean bertan.

Zorribike Lezamako txirrindularitza taldeak MT master class-a antolatu du zapaturako, uztailak 13, Goitioltzako jai-batzordearekin elkarlanean. Ekintza zortzi urtetik 15 urtera bitarteko ume eta gazteentzat da, eta bertan parte hartu nahi dute herriko zein inguruko zaleek. Zirkuitua Goitioltzako jai-barrutitik hurbil atonduko da, eta saioa 11:00etan hasiko da. Izena emateko, hurrengo formulario hau bete behar da. Saioaren zehetasunak ere bertan daude.