Gernika-Palestina herri-ekimenak mobilizaziora deitu dio gaurko, urriak 21, euskal gizarteari. Alde batetik, Israeli exijituko diote Gazako genozidioa bukatzeko, eta bestetik, eskatuko dute Israeli armarik eta baliabide militarrik ez erosteko eta ez saltzeko. Deialdiarekin bat egin, eta 180 mobilizazio baino gehiago antolatu dira herrietan. Goizean, sindikatuak eta hezkuntza-komunitatea mobilizatuko dira, eta arratsaldean, 19:00etan, elkarretaratzeak izango dira udaletxeen aurrean. Txorierrin, elkarretaratzeak izango dira Derion, Zamudion, Lezaman eta Larrabetzun. Sondikan, bestalde, Ikurrina Enparantzan bilduko dira.

Atzo, urriak 13, Hiru Hiriburuak Emakumezkoen Esku-pilota Txapelketaren finala izan zen Gasteizko Ogeta frontoian. Eider Perez lezamarrak finala jokatu zuen pilota mistoaren gazteen kategorian, Naia Uriarte bikotekide zuela. Perezek eta Uriartek oso partida orekatsua jokatu zuten Alize Sagarduiren eta Uxue Gomezen kontra, baina azkenean 18 eta 16 nagusitu ziren bigarrenak.