Aurreko ikasturtean bezala, abenduan Lezamako Gurasoen Elkarteak elikagaiak batu zituen, gero abenduaren 23an saski bat zozketatzeko. Oso parte-hartze handia izan zen eta, saski bat zozketatu beharrean, hiru saski zozketatu zituen. Gainera, BBK Fundazioak Guggenheim museorako emandako lau sarrera eta Bilbao Basket-Real Madril partidurako emandako beste lau sarrera ere zozketatu zituzten. Zozketetan parte hartzeko txartelak euro batean ipini zituzten salgai eta orotara 334 euro batu zituzten. Herrian martxan ipinitako elkartasun-kanpainarekin bat egin, eta batutako dirua beharrizana duten familientzat eman du.  

Zapata Gorriak Zamudioko talde feministak antolatuta, atzo iluntzean ekitaldia egin zen Leizaola plazan, indarkeria matxistak 2022an hildako emakumeei omenaldia egiteko. Talde feministak ekitaldian parte hartzeko deia egin zien herriko kultura- eta kirol-taldeei, eta azken horiek aurreko urteetan emakumeen aurkako indarkeriaren kontrako borrokan hartutako konpromisoa berretsi zuten. Izan ere, indarkeriaren matxistaren kontrako beira-arasaren aurrean 22 eragiletako ordezkariak batu ziren; herriko elkarteez gainera, Txorierriko gainerako talde feministak ere izan ziren bertan.