Derioko Ludogaztek eta Gaztelekuk Gabonetako irteerak antolatu dituzte datozen egunetarako. Ludogaztek, hain zuzen, hiru irteera antolatu ditu: abenduaren 27an, Gasteizera patinatzera; abenduaren 29an, Jumpyard parkera; eta urtarrilaren 3an, BECeko Gabonetako Parkera. Izena ematea hemen egin daiteke. Bestalde, Gaztelekuk ere hiru irteera antolatu ditu: abenduaren 26an, Biwak Climbingera; abenduaren 28an, Jumpyard parkera; eta urtarrilaren 2an, Gasteizera patinatzera. Izena ematea hemen egin daiteke. Kasu bietan, irteera bakoitzak bost euro balio ditu eta izena ematea abenduaren 10era arte egin daiteke.

Zaintza-sistema publikoaren eta komunitarioaren alde, kalera
Euskal Herriko mugimendu feministak deituta, greba feminista orokorra izan zen atzo zaintza-sistema publikoa eta komunitarioa aldarrikatzeko. Txorierrin ere eragina izan zuen deialdiak, batez ere hezkuntzan. . Txorierriko mugimendu feministak balorazio positiboa egin du. “Egin ditugun deialdietan jende askok parte hartu du eta gure errebindikazio guztiak Txorierriko enpresa, komertzio, taberna eta etxe guztietara heldu dira”.