mar 18, 11:36 Sondika
Garrasia Sondikako talde feministak gizarte-sareen bidez jakinarazi duenez, herriko puntu beltzak identifikatu nahi ditu. Taldekideek puntu beltzak aztertuko dituzte, baina herriko emakumeei eta neskei ere laguntza eskatu diete “ahalik eta puntu beltz gehien identifikatzeko”. Horretarako, galdetegi hau bete behar da, eta puntu belztzat zergatik jotzen den azaldu. Inkesta egiteko epea martxoaren 24ra arte egongo da zabalik. Bestalde, apirilaren 4an batzar irekia egingo dute eta bertan eztabaidatuko da emaitzen inguruan.
mar 15 Sondika
Datozen hilabeteetan, “Sondika pintxotan” ekimenaren edizio berria egingo da; bosgarren edizioa, hain zuzen. Ohikoa denez, saria hiru kategoriatan emango da: haragi-pintxorik onena, arrain-pintxorik onena eta estilo libreko pintxorik onena; gainera, hiru kategorietan puntuaziorik onena lortzen duenak txapela jasoko du. Zapatuan, martxoak 16, hasiko da lehiaketa gastronomikoa eta haragi-pintxoak dastatu ahalko dira.