Sektorearen prekarietatea salatzeaz gain, hitzarmen kolektibo zilegia aldarrikatu nahi dute sindikatuek eta langileek. “Soldata asko ez dira azken 10 urtean igo, eta, tarte horretan, enpresek dirua irabazi baino ez dute egin”, adierazi du LAB sindikatuak komunikatu batean. LABek ez ezik, beste sindikatu hauek ere deitu dute grebara: ELA, CC OO, UGT, ESK, CGT eta USO. Jakinarazi dutenez, goizean informazio-piketeak egongo dira Txorierrin, eta 11:30ean manifestazioa egingo da Bilbon, Jesusen Bihotza plazatik.

Bruselako txapelketa nazioarteko lehiaketa enologikorik garrantzitsuenetariko bat da, eta Bizkaiko Txakolina jatorri-deitura duten Txorierriko lau txakolinek saria jaso dute bertan. Alde batetik, Oletxe txakolinak (Zamudio) eta Ieup 2018 (Magalarte Lezama) txakolinek zilarrezko domina lortu dute; eta bestetik, Gorka Izagirre 2018 txakolinak (Larrabetzu) urrezko domina jaso zuen. Era berean, 42 by Eneko Atxa txakolina (Gorka Izagirre) munduko ardo zuririk onena aukeratu zuten.