Bideoak

Hamar edizioren ostean, “Txorierriko infernua” ez da aurten egingo

Zorribike Lezamako elkarteak bere Facebooken bidez jakinarazi duen moduan, aurten ez dute Andra Mari MTB Martxa “Txorierriko infernua” antolatuko. Beren esanetan, erabakia ez dago arazo ekonomikoei edo kirol ekitaldien antolaketari dagozkion kontuei lotuta. 

Lezama jaietan murgilduko da asteburuan

San Antolin ospatu ostean, andramariak izango dira irailaren 7tik 10era. Aurreko urteetan moduan, Basobaltz jai-batzordekoek herritar guztiei zuzendutako jai-egitarau oparoa antolatu dabe: mozorro txapelketea, kaleko antzerkia, umeentzako ekintzak eta dantzak, tartean. Besteak beste, Egurra ta kitto, Josetxu Piperrak & The Riber Rock band eta ETS taldeek, eta Rayden rap abeslariak girotuko dabe bariku eta zapatuko gaua. Kurtzeko jaiek lekukoa hartuko dabe hilaren 13tik 15era bitartean.

Hakima Flissi lezamarrak BBK Live jaialdian hartu du parte

Uztailaren 12tik 14ra bitartean, Bilbao BBK Live jaialdia antolatu zen eta, besteak beste, Hakima Flissi abeslari lezamarrak hartu zuen parte bertan. “Oso polita izan zen hain jaialdi handi batean jotzea, noski. Gainera, espero ez nituen lagunak-eta etorri ziren ni ikustera eta oso hunkigarria izan zen”, esan digu abeslari lezamarrak.

Bertoko elkarteak matrikulazio kanpaina zabaldu du

Datorren ikasturteari begira, Bertoko Soinu Tresnen Elkarteak matrikulazio-kanpaina jarri du martxan. Matrikulak irailaren 4an egingo dira, 19:00etan. Bertoko elkartekoek hainbat soinu tresna jotzen irakasten dute: trikitia, panderoa, alboka, kutxa, txalaparta, dultzaina... Baina batez ere primeran pasatzen dute, bideo honetan erakusten duten moduan.

Informazio gehiago 

689246844 / bertokozamudio@gmail.com

“Jakin-mina sortuko dut”

Hakima Flissi Velez, abeslaria

Lezamarrak Gaztea maketa lehiaketaren 27. edizioa irabazi du aurten, eta sari ekonomikoaz gainera, BBK Live jaialdian kontzertua eskainiko du uztailaren 13an. Ahots bereziko neska da eta aukerak baditu. Musika munduan bere lekua topatzen dabil. 

Taberna Ibiltaria, Lagatzu Egunean

Lagatzu euskara elkarteak Lagatzu Eguna antolatu zuen ekainaren 30ean, Zamudion. Horren haritik, herri bazkaria egin zuten Kultur Etxean eta ostean, euskaltzaleek abesteko aukera izan zuten Taberna Ibiltariaren eskutik. 

Lagatzu Eguna, ia prest!

Bideoa: Iñaki Atxutegi

Lagatzu Eguna bihar ospatuko dute Zamudion. Lagatzu euskara elkarteak antolatzen duen jaia handia da eta horretarako behar bezala prestatu behar da. Aurten Banangoa dantzatuko dute erreleboka, eta bideoan duzue musikariek eta dantzariek Kultur Etxean egindako entsegu-saioetako bat.     

San Joan gaueko kalejira, Sondikan

Bideoa: Juanjo Ortiz

Ekainaren 23an San Joan gaua ospatu zuten Txorierriko herri guztietan. Sondikan, esate baterako, herriko jaiak antolatzen dituzte gau horren inguruan. Besteak beste, kalejira egiten da liburutegitik San Joan landaraino, parte-hartzaileek zuziak daramatzatela. Ospakizuna jasotzen duen bideoa Juanjo Ortizek egin du.    

Tren gehiago, BBK Music Legends jaialdiaren haritik

Jaialdia barikuan eta zapatuan izango da BBK-k Olan duen egoitzan, eta Euskotrenek tren zerbitzua indartu egingo du, hara hurbiltzen direnen joan-etorriko beharrei erantzuna emateko.

"Tabernako taldea gara"

Mamagigi´s taldea

Mamagigi's musika taldeak ibilbide laburra duen arren, gero eta arrakasta handiagoa dabil lortzen. Izan ere, ekainean Azkena Rock Festival jaialdian arituko dira, Euskal Herriko onenetarikoa, hain zuzen ere. Taldekideak poz-pozik dabiltza, zelan ez, baina hainbat tabernatan emandako kontzertuak ere balioesten dituzte.

Euskal literatura eta musika eskaintza handia asteon, Larrabetzun

Literaturaz berbetan ekimenaren haritik, saio berezia eskainiko dute Xabier Mendiguren Elizegi idazleak eta Andoni Tolosa Morau kantagileak. Hala, Mendigurenek Zuk entzuteko gaude liburua aurkeztuko du eta, bitartean, Egunsentiak alperrentzat disko berriaren kantak joko ditu Morau kantagileak. Ekitaldia ekainaren 14an, 19:00etan, izango da Anguleri Kultur Etxean.

Akrobata skate parkean

Bere talentuaren publizitate handirik ez du egin nahi, baina Izanek aho bete hortz utzi zituen apirilean Break On Stage Festibalean batu zirenak. Are gehiago, skate park-ean egindako itzulipurdiek eta trukoek garaipena ekarri zioten Scooter Free Style modalitatean

B-Tuber izateko ikastaroak

Bilboko Udalak eta Azkue Fundazioak elkarlanean bultzatutako ekimena da eta Bilbon erroldatutako 13 eta 16 urte bitarteko gazteei dago zuzenduta. Ikastaroa Bilboko Euskararen Etxean emango dute ekainaren 25etik 28ra bitartean, eta gazteek youtuber izateko hiru ikastaro edukiko dituzte aukeran.

Hiru Bat, Sarri Sarri dantzatzen

Zamudioko Hiru Bat dantza taldeak saioa eskaini zuen herriko jaietan, joan den asteburuan. Besteak beste, Kortatu taldearen Sarri Sarri abestia dantzatu zuten. Kriston martxa dabil!

Jaiak jarraitu zuen ilunaldian

Asteburu honetan Pazko jaiak ospatzen ibili dira Zamudion. Zapatu gauean, ekitaldi nagusietakoak egin ziren, kontzertuak, baina argia joan zen eta saio bi bertan behera utzi behar izan zituzten. Zamudioko Udalak ez daki oraindik zer gertatu zen. Gaur jai-eguna da herrian eta, esan digutenaren arabera, bihar hitz egingo dute argia kudeatzen duen enpresarekin.

Euskaraldia maiatzaren 31n aurkeztuko dute Derion

Egitasmoak hizkuntza ohituretan eragitea du helburu eta Euskal Herriko hainbat herritan ipini da martxan. Euskaraldiaren berri asteburu honetan eman dute San Isidro jaietan, Derion. Bertan maiatzaren 31n, 19:00etan, Kultur Birikan egingo den aurkezpen-ekitaldian parte hartzeko gonbitea egin diete derioztarrei

Joseba Gotzonek Mallorcan aurkeztuko du Desiraren kaia asteburuan

Loiuko kantautoreak disko berria kaleratu du aurten: Desiraren kaia. Lana Bilbon eta Bartzelonan aurkeztu ostean, hiru kontzertu eskainiko ditu asteburuan Mallorcan. 

Bizkargi Eguna

Burdinazko Gerrikoa defendatzen hil ziren gudarien omenez ospatzen da urtero Bizkargi Eguna. Aurten, ohikoa den moduan, ekitaldiak antolatu dira Larrabetzun urteurrenaren haritik. Ekitaldiak gaur hasi eta maiatzaren 6ra arte izango dira.