Arratoiak Zamudion
ira 16 Zamudio
Aspaldi honetan, arratoiak ikusi dira Zamudioko hainbat txokotan. Zamudioko Udalak gizarte-sareen bidez jakinarazi duenez, animaliak akabatzeko lanak egiten dabiltza, eta horregatik, “animalia horietako batzuk gehiago ikusi ahalko dira kaleetan. Horrek ez du esan nahi gehiago daudenik, kontrakoa baino, arratoiak garbitzeko neurrien ondorioz habietatik irten dira eta”.
Santutxun izandako hilketa matxista gaitzesteko elkarretaratzea
ira 13
Gizon batek bere bikotekidea hil zuen atzo Santutxun. Zamudion, udalak deituta, elkarretaratzea egin zuten goizean, hilketa matxista gaitzesteko. Lezaman ere, hango udalak eta Moreak talde feministak deituta, elkarretaratzea izan zen herriko plazan, arratsaldean. Bestalde, Zapata Gorriak Zamudioko talde feministak elkarretaratzera deitu du gaur arratsalderako, 19:00etan, Leizaola plazan, indarkeria matxistaren kontrako bitrinaren aurrean. Era berean, Zutunik Larrabetzuko talde feministak eta udalak deituta, kontzentrazioa egingo dute 19:30ean, plazan.
