Nekazamudio Zamudioko baserritarren azoka da eta hilaren lehenengo zapatuan egiten da. Azoka Kultur Etxeko patioan izan da orain arte, baina plaza estalia eta lur azpiko aparkalekua egiteko lanetan dabiltza bertan, eta horregatik aldatuko da lekuz. Horrela, Nekazamudio azoka Pago kalean egingo da gutxienez lanek irauten duten bitartean. Maiatzeko hitzordua zapatuan izango da, hilaren 8an hain zuen ere.

Zamudioko Udalak Kultur Etxearen ingurua birmoldatzeko lanak hasi zituen apirilean. Irakasleen eraikin ohia lurrera bota zuten, eta gaur egun hondeaketa-lanak egiten ari dira inguruan. Udalaren asmoa da bertan erabilera anitzeko plaza estali bat egitea, eta lur azpiko aparkaleku bat. Azaldutakoaren arabera, Aresti kalea zabaltzearekin batera, egitasmoak Arbolantxa kalea oinezkoentzat egitea ekarriko du. Lanek 18 eta 24 hilabete bitartean iraungo dute.