EH Bilduk jakinarazi duenez, guztira 13 alegazio aurkeztu dizkiote Bilboko Aireportuko Zarataren aurkako Ekintza Planari. Alegazioek Loiuko aireportuaren inguruan bizi diren pertsonen bizi-kalitatea erdigunean jartzea dute helburu, eta Irati Aretxabaleta Zamudioko EH Bilduko zinegotziak azaldu moduan, alegazioen dokumentua elkarrekin egin dute udalerrietako bizilagunek eta zinegotziek, teknikariek eta EH Bilduko beste ordezkari instituzionalek, “aireportuaren eragina handitu ez dadin, eta urteak eta urteak jasaten daramatzaguna minimizatu dadin laguntzeko”.

Urriaren 29an, DANA batek gogor jo zuen Valentziak, eta hainbat herritan eragindako kalte material zenbatezinez gainera, 200 lagun baino gehiago hil ziren euri-jasa bortitzaren ondorioz. Euskal Herriko eta Estatutako beste herri batzuetan bezala, Txorierrin ere antolatu dira herritarrak eta erakundeak, valentziarrei laguntzeko materiala, janaria eta dirua biltzeko eta furgonetetan eta kamioetan hara eramateko. Hurrengo lerroetan batu dugu tanta hotza lehen pertsonan bizi izan zuen txorierritar baten testigantza, baita ondorioak zuzenean ezagutu dituzten beste bi txorierritarren esperientzia ere.