Deialdia Deriocom elkartearekin elkarlanean egin du, eta eskabideak aurkezteko epea uztailaren 26tik abuztuaren 23ra bitartean egongo da zabalik. Lan-eskaintza Tokiko Enplegua Sustatzeko Programaren baitan egin da, eta sei hilabeteko lan-kontratua eskaintzen da, jardunaldi erdian. Informazio gehiagorako, hona jo daiteke.   

Derioko Udalak gizarte-sareen bidez jakinarazi duenez, Mungialde Etorbidean, kiroldegiaren parean dagoen aparkalekuaren sarbidea zabaldu du. Udalaren hitzetan, “segurtasuna indartu egin da, ikuspena hobetuz eta auto gidariei modu seguru eta errazagoan sartzeko edo irtetzeko aukera eskainiz”. Udalak jakinarazitakoaren arabera, sarbidea zabaltzeak herritarren eskaerei erantzun die.