Derioko Udalak udako jai guztiak eta udalekuak bertan behera uzteko erabakia hartu du, “auzotar guztien era bereziki udalekuen parte-hartzaileen osasuna eta segurtasuna bermatzeko”. Erabakia hartzeko orduan, kontuan izan dituzte jendetza batzen duten ekitaldiak egiteko debekua eta COVID-19aren hedapena geldiarazteko ezarritako irizpideak eta aholkuak.

Pedro Sanchez Espainiako presidenteak adierazi duenez, berritasun batzuk izango dira deskonfinamenduaren lehenengo fasearen bigarren astean. Hala, 10.000 biztanle baino gutxiago duten udalerrietan ez da adinaren araberako ordutegirik egongo. Udalerri horien artean Derion dago, eta, Txorierriko gainerako herrietako biztanleek bezala, derioztarrek ez dute ordutegirik izango paseatzeko eta kirola egiteko.