Loiuko Bakarrak gazte-elkarteak antolatuta, Kultura Asteburua izan zen apirileko lehen asteburuan udalerrian. Antolatzaileak batu dira, eta balorazioa egin dute herritarrek ekintzei emandako harrerari buruz. “Asteburu kulturala oso arrakastatsua izen zen, eta lortutako emaitzek nabarmen gainditu zituzten gure aurreikuspenak”, azaldu dute. “Lanean ibili ginen guztiok oso pozik gaude izandako arrakastarekin, bai parte-hartzeari dagokionez, bai sortutako giro orokorrari dagokionez”.

Irudi izugarri honetan, gauaren argitan, Bilboko La Salve Zubiaren esentzia handientsua harrapatu du Andoni Peredak, DAT Derio Argazki Taldeko kideak. Argazkiak ezin hobeto islatzen du formen dotoretasuna eta hiriaren baretasuna iluntzean; bitartean, ur gaineko islarekin nahasten den edertasunak argitzen du zubia. Perspektiba paregabeak eta lasaitasun-atmosferak, egilearen trebetasun teknikoarekin uztartuta, gelditu eta hiriko paisaiaren handitasunari begiratzeko gonbitea egiten digute. Lan handia egiteaz gainera, DATeko Peredak beste behin ere agerian utzi ditu kolektiboaren talentua eta sormen-ikuspegia.