Getxoko magoak 15 urte daramatza profesional eta ibilbide horretan Euskal Herriko bazter guztietan egon da. Txorierritik ere bai: azken aldia Gabonetan izan da, Sondikan, hain zuzen ere. Bere lana bere pasioa da eta, ikuskizunaz gainera, irakaspenen bat ere eskaintzen du saioetan.   

Derioko Argazki Taldeak (DAT) argazki lehiaketa antolatu zuen iaz hamabigarren aldiz. Guztira, lau sari banatu zituzten. Lehen saria Enrique Lopez Tapiak (Madril) irabazi zuen eta 200 euro eta diploma jaso zituen. Bigarren saria Araun Mohanraj-entzat (Manchester) izan zen eta 150 euro eta diploma eskuratu zituen; eta hirugarren saria Alberto Muñoz Hernandezek (Oñati) lortu zuen. Muñozek 50 euro eta diploma jaso zituen saritzat. Bestalde, akzesita Jose Rasero derioztarrari eman zioten, herriko parte-hartzailerik onena izan baitzen. Raserok ere 50 euro eta diploma jaso zituen.