23. KORRIKA martxoaren 1ean aurkeztuko da Txorierrin

Aikor aldizkaria ots 22, 12:16 Zamudio

Euskararen aldeko lasterketa martxoaren 14an irtengo da Irundik, eta, Euskal Herri osotik igaro ostean, martxoaren 24an ailegatuko da Baionara. Txorierri hiru egun lehenago, martxoaren 21ean, zeharkatuko du. Erandiogoikotik sartu, eta handik Larrabetzura abiatuko da, bidea Galdakaotik jarraitzeko. Derioko Txepetxa AEK-k martxoaren 1ean aurkeztuko du KORRIKA, eta bertan aurtengo edizioaren zehetasunak azalduko dituzte. Era berean, Txorierrin KORRIKAri lotuta egingo diren kultura-ekintzen berri emango dute. Aurkezpena 19:00etan izango da Zamudioko Kultur Etxean.

AEK-k euskara ikasteko eskubidea aldarrikatu du administratiboki egoera irregularrean dauden pertsonentzat

a: AEK ots 19 Txorierri

AEK-k “Paperezko bizitzak” adierazpena irakurri zuen barikuan, otsailak16, Irunen, paperik gabeko herritar asko biltzen diren ingurunean. AEKren Artezkaritza Kontseiluko Aize Otañok irakurri zuen adierazpenak dioenez, “herritar orori bermatu behar zaio berezko hizkuntza ezagutzeko eskubidea, eta botere publikoek ziurtatu behar dute eskubide hori, herritarrei ezagutza doan eskainiz”.