Azken datuen arabera, euskararen erabilerak behera egin du Larrabetzun, bereziki adin ertaineko pertsonen artean. Horregatik, eta umeek eta nagusiek euskaraz gehiago egiten dutela kontuan hartuta, udalak euskararen kaleko erabilera sustatzeko kanpaina bat egiteko eskatu dio Umeen Kontseiluari (LUK). Kanpaina barikuan, ekainak 14, aurkeztuko dute jendaurrean, baina kanpainari lotuta, pankarta bat ipini dute udaletxeko fatxadan. Pankarta txineraz dago idatzita: 在嘴里感受巴斯克风味.

AEK-KORRIKaren ordezkariek Ibilbideari Elkar saria jaso zuten atzo, Elkar Fundazioko lehendakari Joxemari Sors Bagüesen eta idazkari Jon Jaka Auzmendiren eskutik. Horrela eskertu eta goraipatu du Fundazioak AEK-KORRIKAk egindako lana; aldi berean, “saria bide beretik jarraitzeko akuilu” izatea espero duela adierazi du.