Zergatik ez duzu idazten zeure biografia, egunkaria?

Gabon, Gabonetan!

Erabiltzailearen aurpegia

Atzo “gabon” esanez bidali genuen lotara 2021. urtea; gaur, “egun on” diogu 2022ko agurrean. Halakoa da denbora, inoiz gelditzen ez dena.

Lotara joan den 2021eko urte hori zelakoa izan da zuretzat, zuentzat? Zeuk kontatzen ez baduzu, zure ondorengoek edo ingurukoek ez dute ezer jakingo; hemendik 30 urtera, ahaztu egin dira orduko xehetasun asko. Jo dezagun Co­vid-19ak larri, arnasestuka, etzan zai­tue­la ospitalean; irudika dezagun basoan galdurik egon zarela helikopteroz to­pa­tu zaituzten arte, edo bat-batean maite­mindu zarela Eguberrietan. Ez du merezi une horietako gertaerak, sentimenduak  idaztea?

Behar bada, telebistaren aurrean ja­rri­rik, edo Instagrameko albisteetara ma­kur­tu­rik, jende ospetsuaren -edo koi­petsuaren- bizitzak ikustea gustatzen zai­zu. Eta zeure biografia? Ez ote da in­te­resgarriagoa zuk bizi duzuna? Ala zeureak bost axola dizu?

Zergatik bihurtu merkatuko nagusien, ugazaben, txotxongilo? Geure bizitzaren jabe beharko genuke izan. Horretarako, isiltasun apur bat lortzea komeni zaigu,  geure burua entzuteko; subjektuak garela erakusteko, geure-geureak diren ideiak, asmoak, marrazkiak, oroitzapenak, esaldi politak, sekretuak egunkari ezkutuan gordetzeko.

Nik lehenengo egunkaria idatzi nuen­ean, pezetaz ordaintzen genuen kafea; gure gurasoek “mila erreal” nahiz “erreal bi” ordaintzen zuten dendan. Gaurko 10 euroren balioa 261,43 € zen 1966an, hots, 43.000 pezeta. Diru horrekin 1966an bigarren eskuko Seat 600a erosten ze­nuen.

Dena den, diruaren gaineko estatis­tikak-eta artxibatuta aurkituko dituzu, bai­na irakasleak zaplada emanik lurrera bota zintuela zortzi urterekin, ez da inon azalduko zeuk idazten ez baduzu.

Gaur egun, postmodernitate aroan, selfiak egiten ditugu, autofotoak, baina geure barrua ez dugu selfiatzen, azala, kan­poko itxura baino ez dugu salbatzen.

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).