Deepfake

t: Xabier Diaz / a: www.hipertextual.com 2022ko abe. 7a, 12:18

Fake news edo albiste faltsuen(1) garai ho­netan, ohituta gaude trukatutako ar­gaz­kiak zein bideoak ikustera. Ziur as­ki, batzuek horrelakoak egiteko apli­ka­zioak ere izango dituzue sakelako te­le­fonoan, eta seguru Photoshop ai­pa­tuta horrelakoak burura etorriko zaiz­ki­zuela. Eta ez pentsa amarru horiek era­bil­tzea gaur egungo kontua denik. Trots­kyri galdetu bestela, Stalin “lagunak” ar­gaz­kietatik desagerrarazi zuenean(2)…. Erail­tzeko agindu baino lehen.

Bai, noski. Geuk ez ditugu horrelakoak erabiliko politikan eragiteko edo pertso­naia publikoen irudia kaltetzeko, baina le­hen trebezia berezia eskatzen zuena gu­re poltsikoetan daukagu orain. Deep­fake, kategoria horretan sartzen bada ere, aurreratzea da. Orain arte, bi­deo za­harren gainean bideo berriak jar­tzen ziren, eta Forrest Gump pelikulan, esa­terako, dau­kagu horrelako edizioen adi­bide garbia. Bestalde, El intermedio te­le­bista-saioan askotan ikusten den be­zala, ez da hain zaila bideoak editatzea politikari baten mezua aldatzeko. Bai­na manipulazio ho­riek, egilearen eta ikus­learen trebezia tartean, ez dira antze­ma­teko hain zailak. 

Deepfaken kasuan, hainbat irudi, ahots zein bideotatik abiatuta, adimen ar­tifizial batek irudi, ahots zein bideo berriak sortuko ditu(3). Nahi dugun bal­din­tzetan, moldatutakoak zein ze­ro­tik sortutakoak, eta horregatik dira be­reiz­teko zailagoak. 1995an hildako Lo­la Flo­res iragarki berri batean ikusi du­gu, Vi­comtech Donostiako Zentro Tekno­lo­gi­koak XRey podcasterako(4) Fran­co­ren aho­tsa klonatu zuen… Eta hainbat kasu­tan erabili da albiste faltsuak publikatzeko edo enpresen kontra egiteko, freskagarri-en­presa ezagun bati gertatu zitzaion be­za­la(5). 

Beste era batzuetako aplikazioak ere badira. Gaixotasunen bat dela-eta aho­tsa galtzen duten pertsonen ka­suan, or­denagailuak zein mugikorrak era­bil dai­tezke komunikazioa errazteko. Or­de­na­gailuz sintetizatutako ahotsa erabili ohi du­te, gogoratzen al duzue Stephen Haw­kinsen kasua? Teknologia horiei esker, gai­luek pertsona horien berezko ahotsa era­bili ahal izango dute, komunikazioa erraz­tuz. 

Vicomtechek baditu aholku batzuk iruzurrak antzemateko. Itzalak, adibidez, ez dira hain errazak sortzen, eta ho­rietan fijatzea pista bat da. Beste bat da ahoskera eta ezpainen eta ahoaren mu­gimenduarekin bat etortzea.

Dena den, teknologiak geroz eta ho­beak dira. Bideo-jokoetan erabiltzen diren teknologiekin gertatzen den bezala, gero eta zailagoa da errealak eta birtualak di­ren bideoak bereiztea, eta gauza bera gertatzen da deepfake-ekin. 

Betiko moduan, adimen artifizial ho­rien kontra daukagun armarik potenteena gure adimena da…. Eta sen ona, noski.

 

 

 

(1) Albiste faltsu - Wikipedia. https://labur.eus/aikordeep01

(2) The Commissar Vanishes  - Wikipedia https://labur.eus/aikordeep02

(3) Deep Fake bideoak: teknologia, aplikazioak eta mugak, Vicomtech, https://labur.eus/aikordeep03

(4) Vicomtech-ek errealismoa gehitzen dio XRey podcastari, Adimen Artifizialean oinarritutako ahotsa klonatzeko teknologiaren bidez, https://labur.eus/aikordeep04

(5) La historia de cómo un deepfake consiguió dañar la reputación de una empresa de refrescos en España: así son los nuevos ciberdelitos, Genbeta, https://labur.eus/aikordeep05

Teknologia

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).