“Erandiok bigarren eraldaketari ekingo dio, inor atzean utzi gabe hazteko”

Berriro aurkeztu zara alkatetzara.

Errepikatzeko proposatu naute, EAJ-PNVren hiru Udal Batzek (Astrabudua, Eran­dio Bekoa eta Erandiogoikoa) aho batez hala erabakita. Erandion es­pe­rientzia eta gogoa dituen pertsona bat be­har dela ikusarazi didate, inor atzean utzi gabe herria haztea lortuko duena, eta ekin beharreko etorkizuneko erronka ga­rrantzitsuei erantzuna emango diena. Ilusioz beteta nago. 

Zeintzuk dira datorren agintaldi­ra­ko lan-ildo nagusiak?

EAJ-PNVren ahaleginek orain ere helburu hauek izango dituzte: jarduera ekono­mi­koa sustatzea, enplegua sortzea, tre­ba­kuntza bideratzea, gazteentzako eta nera­beentzako aisialdiko jarduerak, jarduera fisikoa osasunerako giltzarritzat hartzea, herri hezitzailearen topagunea sortzea eta Erandio udalerri atsegin bi­hurtzea.

Eta erronka nagusiak?

Gaur egun, herriguneak biziberritzeko asmo handiko prozesu batean murgilduta da­go Erandio, industrialde zaharrak eral­datu eta bizitegi-ingurune bihurtuko di­tuena, eskura izanez oinezkoentzako ka­leak, espaloi zabalak, oinezkoek lehen­tasuna daukaten guneak, berdeguneak eta parke publikoak.

Zer talde-mota izango duzu on­doan?

Alkatetza lortu edo ez, udalerria eta erandioztarren beharrak eta kezkak eza­gutzen dituen talde bat izango dut lagun, multzo berean gaitasuna, jarrera eta ilusio handia biltzen dituena.  

Nolakoa izan da azken agintaldia?

Zalantzarik gabe, kudeatzeko zaile­n­etako bat izan da, pandemiaren on­dorioz; izan ere, arreta, lehentasunak eta aurrekontua batez ere sektore zaur­garrienetara bideratu dira, orain arte ez­ezaguna zen egoera leuntzen lagundu duen Talka Plan baten bitartez. Horrekin guz­tiarekin ere, zerbitzuei eutsi ahal izan diegu eta aurreikusitako inbertsio ge­hienak garatu ahal izan ditugu. 

Proposamen zehatzak egin dituzu programan. Alkatetza lortuko bazenu, zer egingo zenuke lehenengo?

Zenbait proposamen egin ditut, bai, batzuk agintaldi honetan sortuz joan diren aukerekin lotutakoak (bidegorria), beste batzuk entzute aktiboaren, gure inkesten eta “Entzunez eraiki” ekimenaren ondorio. Aurrera, batera! Zer egingo nuke? Bada, lagundu didatenei eskerrak eman, eta Erandion gobernagarritasuna nola lortu pentsatu.