Loiun bizi den abeslari eta artista portugaletetarrak adierazi duenez, “Burdina eta ahotsa” erakusketa La Florestako Kooperatiba Aretoan (Lleida) ipiniko du ikusgai uztailaren 31tik aurrera. Otxote generoari lotutako 13 eskulturak osatzen dute erakusketa. Erakusketa zenbait herritan izan da aurretik, hala nola Santoñan eta Medina de Pomarren eta Lleidaren ostean ikusi ahalko da Meruelon, Colindresen, Bilbon eta Gallartan. Bestalde, Gotzonek aurreratu du udazkenean disko berria kaleratuko duela: Luma erotikoa.  

Zapatuan, uztailak 30, Bilboko pop taldeak kontzertua egingo du Baserri Antzokian (BAN), Derion. Apiriletik hona hainbat kontzertu izan dira BANen, osasun-egoera dela eta, Bilboko Azkena Aretoaren programazioa hara eraman delako. Mäbu taldeak amaiera emango dio kontzertu-sailari, udako geldialdia baino lehen. Ateak 18:30ean zabalduko dira eta kontzertua 19:30ean hasiko da. Sarrerak www.wegow.com webgunean erosi daitezke.