Hamar urte bete dira Sakatu elektrotxaranga sortu zela, eta bere partaideak ekitaldi berezia prestatzen dabiltza urteurrena ospatzeko. Hainbat ideia dituzten arren, oraindik ez dakite zehatz-mehatz zer antolatuko duten, edo ez dute esan nahi, baina baliteke ekitaldi berezi hori udaren ostean izatea. Bien bitartean, elektrotxarangaren hiru partaiderekin batu gara eta hizpide izan ditugu Sakaturen nondik norakoak.

Udak jai-usaina du, eta Sakatu Txorierriko elektrotxaranga da Euskal Herriko jaietako ezinbesteko osagaietakoa, 10 urte baitaramatza han eta hemengo lagunak jai-giroan murgiltzen. Sakatuko kideetako batzuekin hizpide izan ditugu elektrotxarangaren nondik norakoak, eta laster irakurgai izango duzue webgunean eta paperezko aldizkarian.