Memoriarako txertoa

Erabiltzailearen aurpegia

Etxean zeozeren bila joan, lau pausu egin eta gure buruari itauntzea: Zertarako etorri naz hona?  Ezagunen izena ez gogoratzea, edo mihi-puntakoa, hau da, momentuan esan behar dan hitza ez aurkitzea. Holako ahazteak zahartzaroan jazoten dira, baina baita 25-35 urte tarteko % 25 gazteei be.

Gomuta-galtze horrek garunaren hainbat gunetako neuronen disfuntzinoakaitik suertatzen dira eta horren ondorioak saihesteko edo gitxitzeko esaten da konbenigarria dirala jardun kognitiboa, ariketa fisikoa, elikadura osasuntsua, gizarte-bizitza, ondo lo egitea…. Baina horreen artean, Erik Kandel (Viena, 1929) psikiatra eta 2000. urteko Medikuntzako Nobel saridunak bere ikerketan idoro eban ariketa fisikoagaz hazurrei darien osteokaltzina hormonak adinagaz gertatzen dan oroimen-galtze hori prebenitzen dauela.

Hari berean Javier Tirapu (Leitza, 1961) neuropsikiatrak jakinarazoten deusku garunarentzat eraginkorragoa dala oinez ibiltea sudokuak egitea baino.

Ikusten danez, memoria-galtze hori berreskuratzeko ez dagoala ondino txertorik; bai, ordea, osasungarria eta merkea dan baliabide bat: oinez ibiltea.

Txorierriko albiste garrantzitsuak eta azken ordukoak Whatsapp bitartez jaso gura dituzu?

WHATSAPP: Bidali ALTA 747 406 561 telefono zenbakira.