Logoa
Logoa
aikor.eus

Txorierriko emakumeek be planto!

  Gizartea  Txorierri
Txorierriko emakumeek be planto!

Mobimendu feministak grebara deitu dau martxoaren 8rako mundu mailan, eta Euskal Herrian be plantoak eta lanuzteak egongo dira. Mobimenduak emakume guztiei, etxean zein etxetik kanpo lan egiten dabenei, luzatu deutsee gonbidapena ekimenagaz bat egiteko, euren lanaren balioa eta beharra ikusgai ipintzeko. 

“Emakumeok arrazoi asko doguz planto egiteko”, esan deuskue Alaitzek eta Txarok , Zapata Gorriak taldearen kideek, maila pertsonalean.  “Indarrean dagoan eredu ekonomikoak zapaldu egiten gaitu. Gizonezkoen lana hobeto dago baloratuta eta alde handia dago euren eta gure soldaten artean. Gainera, emakumeok egiten doguzan lan asko etxeari eta zainketari dagoz lotuta eta ez dira balioesten. Gizarteak amatasuna goraipatzen dau, baina lan merkatuak amak zigortzen dauz. Gure pentsioak baxuagoak dira… Eta indarkeria matxistak hil egiten gaitu”. Datu ofizialen arabera, Estatuan 923 emakume hil dabez Estatuan 2003. urtetik hona; 43, Hego Euskal Herrian. Halanda be, kopurua handitu egiten da beste iturri batzuetara joten bada. “Sexu-esplotazio handia dago, etengabeko sexu-erasoak arlo pribaduan zein publikoan, emakumeok bildurrean hezten gaitue, guk esandakoa zalantzan ipintzen da, Objektu bihurtu gaitue eta estereotipatuta gagoz komunikabideetan, solasaldietan, erakundeetan errepikaten diran roletan. Politikan dogun papera be ez da gizonena bezain garrantzitsua eta egunero ikusten dogu ezberdintasuna, edozein arlotan”.

Bai, asko dira mobimendu feministaren deialdiagaz bat egiteko arrazoiak. Txorierriko alkarte feministek (Koxak, Derion; Zapata Gorriak, Zamudion; Moreak, Lezaman; eta Zutunik!, Larrabetzun), taldeek eta erakundeek ekintzak antolatu dabez Martxoaren 8rako. Gainera, aitatu beharra dago Txorierriko mugimendu feministak emakumeen auto-karabana bat antolatu dauala. Auto-karabana horrek emakumeen errebindikazioak eroango dauz bailarako txoko guztietara.

 

Loiu

Martxoak 9, barikua

14:00 Adierazpen instituzionala.

14:30 Bazkaria.

17:00 Dantzaldia.

18:00 Karaokea.

 

Sondika

Martxoaren 1etik 31ra

“Emakumea Indian” erakusketea, liburutegian.

Martxoak 16, barikua

19:00 Musika aztertzeko tailerra, gaztetxean. 

 

Derio

Martxoak 6, martitzena

Las mujeres decididas dokumentala, Kultur Birikan.

Martxoak 8, eguena

11:00 Kazerolada, institututik.

12:00 Elkarretaratzea, plazan.

17:00 Volar bideo foruma, Kultur Birikan.

20:00 Bilboko manifestaziora. 

 

Martxoak 11, domeka

11:00 “Derio berdintasunaren alde” martxa, frontoian. 

 

Zamudio

Martxoan zehar

Marchinlilac kanpaina, liburutegian.

Martxoak 6, martitzena

19:30 Erbeste edo saihets baten aldarrikapenak antzezlana, Zamudiotorren.

Martxoak 8, eguena

12:00 Elkarretaratzea, Sabino Arana plazan.

19:00 Elkarretaratzea, Kultura Etxean.

19:15 Beira-arasa ipini, dantzak eta musika saioa, Kultura Etxean.

19:30 Pantxika Lamur antzezlana eta kopaua, Zamudiotorren.

Martxoak 9, barikua

18:00 Berdintasunaren aldeko tailerrak, Ludotekan.

Martxoak 10, zapatua

11:00 Neskentzako autodefentsa tailerra, Kultura Etxean.

Martxoak 11, domeka

10:00 Emakumeen Eskuz Binakako Master Cup Txapelketaren kanporaketea, frontoian. 

 

Lezama

Martxoak 8, eguena

12:00 Emakumeen elkartze zaratatsua, herriko plazan.

12:30 Txorierriko emakumeen auto karabana.

17:30 Berdintasunaren aldeko tailerrak, ludotekan.

19:00 Elkarretaratzea plazan.

19:00 Goazen telesaila aztertuz, Gaztegunean.

20:00 Bilboko manifestaziora.

Martxoak 9, barikua

20:00 Ausartak taldearen Burbujas conservantes antzezlana, Kultura Aretoan.

Martxoak 10, zapatua

08:30 Anboto mendira urteera, plazan.

Martxoak 16, barikua

19:00 “Bihotzekoa emakumeengan” berbaldia, Kultura Aretoan. 

 

Larrabetzu

Martxoak 8 eguena

12:00 Elkarretaratzea, herriko plazan.

12:45 Auto karabana, Sasine industraiagunetik.

20:00 Bilboko manifestaziora.

Martxoak 9, barikua

19:00 Karramarro antzerki saioa, Anguleri kultur etxean.

Martxoak 11, domeka

17:30 Gazteentzako rap tailerra, Hori Bai gaztetxean.

19:00 La Basuren kontzertua, Hori Bai gaztetxean.

Martxoak 22, eguena

18:30: “Larrabetzuko emakume kirolariak” mahai-ingurua, Anguleri kultur etxean. 

Ikusi argazki guztiak handiago

2018/03/06 - 2018/03/31

Txorierri | Txorierri

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa