Nora joaten da Koopera Caritasen edukiontzian uzten duguna? Zer egiten da horrekin?
Kooperako bilketa-lantaldea arduratzen da edukiontziak husteaz; astean zenbait aldiz husten dituzte, eta, urte sasoiaren arabera (armairuak aldatzeko sasoiak…), bilketa-maiztasuna moldatzen dute. Handik, berrerabili eta birziklatzeko Mungiako hautaketa- eta sailkatze-instalazioetara eramaten da, KooperaReusing Centerrera, alegia. Arropa, oinetakoak, liburuak, jostailuak eta etxetresna elektriko eta gailu elektroniko txikiak jasotzen dira batez ere.
Behin instalaziora iritsitakoan, produktu guztiak tratatu, prozesatu eta prestatzen dira, berrerabili edo birziklatzeko. Arropari dagokionez, jasotakoa tratamendu- eta prozesatze-zirkuitora pasatzen da, non aztertu, sailkatu eta aukeratu egiten den, zein janzki-mota den, zer egoeratan dagoen edo zein sasoitan erabiltzeko den kontuan hartuta.
Zer dira Koopera Store direlakoak (Koopera dendak)?
Bigarren eskuko arropa-dendak dira familia osoarentzat. Aukeraz beteta egoten dira, eta estilo askotarikoetako jantziak izaten dira, benetako vintage arropa edo diseinatzaile handien markak ere bai. Bizkaian 11 Koopera Store daude.
Bezeroei esker, kontzientzia soziala eta ekologikoa duen proiektua finantzatzen eta akibatzen da. Kontzientzia sozialekoa, haien erosketek gizarteratzeko lanpostuak sortzen dituztelako; eta ekologikoa, bigarren aukera bat ematen diegulako berrerabiltzeko egoera paregabean dauden jantziei, eta, hala, ingurumenarentzat mehatxua eragingo luketen janzki berriak sortzea eragozten delako.
Non daude edukiontziak Txorierrin?
Derio:
- Gernikako Arbola 4 (2 edukiontzi)
- Bestorrene 7
Larrabetzu:
- Lehendakari Agirre kalea- Frontoia
Lezama:
- Garaioltza kalea 78
- Frontoiaren atzean
Loiu:
- Zabaloetxe etorbidea, aparkalekuaren ondoan
- Larrondo
Sondika:
- Jose A. Agirre Lehendakaria 37
- Errementeria – Kultur Aretoa
Zamudio:
- Psikiatria ospitalea. Errehabilitazio unitatea 45
- Elexalde plaza, elizaren ondoan
- Ganekogorta 2