San Joan bezperan, sua piztu baino lehen, oso ekitaldi berezia izan zen Zamudion. Bertoko soinu-tresnen elkartearen, Hiru Bat dantza taldearen eta Amagoia Guezuraga historialariaren eskutik, gure arbasoek San Joan gauaren inguruan egiten zituzten errituak antzeztu eta azaldu ziren Bidekoetxe parkean. “Azken urteotan, hiritartu joan ahala, suaren berezko zentzua galdu egin da eta, bestak beste, ohitura hori berreskuratu nahi izan dugu”, azaldu digu Gorka Zarate Bertokoko kideak.
Horretarako, gau magiko horren inguruan, Txorierrin antzina egon ziren errituak ikertu zituen Guezuragak. Suaren erritua eta bere esanahia ez ezik, beste ohitura batzuk ere azaldu ziren, hala nola lore-sortari eta urari lotutakoak. “Lore- eta ortuari-sortak prestatzen ziren, esate baterako, eta San Joan eguneko goizean iturrira joateko ohitura zegoen, ur berria etxera eraman eta hura edateko”.
Bertokok konpromiso handia du euskal musika eta kulturarekin, eta kideek Hiru Bat taldeko dantzariekin batera ilusioz hartu zuten parte ikuskizunean. “Hala ere, batzuk ezin izan ziren ekitaldian egon, San Joan gauean familia baserrian batzen da-eta sua pizteko. Egia esan, pozgarria da hori, izan ere, errituak oraindik bizirik dagoela adierazten du”.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).