Logoa
Logoa
aikor.eus

Zergaitik 11 egunean bakarrik?

Erabiltzailearen aurpegia   Iritzia

Dagoeneko bagagoz ahobiziak eta belarriprestak kalean. Euskaraldia martxan dago! Suposatzen dot honezkero denok jakingo dozuela zer dan Euskaraldia: euskerearen erabilpenaren normalizaziorantz, ohiturak aldatzea helburu dauan 11 eguneko ariketea. 

Bakotxak bere rola aukeratuta, euskeraz dakigunok lehen berbea euskaraz esango dogu, eta euskerea ulertzen dauanari euskeraz egingo deutsagu. Euskerea ulertzen dauanak, ostera, euskeraz erantzuteko gai ez bada, erderaz erantzungo deusku normaltasunez. Holan azalduta erreza emoten dau ezta?

Ariketa honek nigan poza eta tristura sortzen dauz. Zergaitik poza? Euskaldun eta euskaltzaleen artean herri mugimendua sortu dogulako; 11 egunean euskaraz berba egiten dakienek eta ulertzen dabenek euskerea normaltasunez erabiliko dogulako; edota sarritan euren artean erderaz ibilten diran euskaldunek, euskeraz berba egiteko konpromisoa hartu dabelako. Hau da,  euskera gehiago entzuteak pozten nau.

Eta, zergaitik tristura? Txapa bat eukitean oinarritu dogulako euskararen erabilpena, eta batez be  Euskaraldia 11 egunera mugatzen dalako.

Horregaitik, aurreko urteetan sortutako lema eta aurtengoa buztartu gura dodaz: Zergaitik ez Euskaraldia 365 egunean? Gure esku dago hori!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa