FACUA Euskadik 9/2010 Legea hartu du erreferentziatzat. Lege horrek aire-zirkulazioko zerbitzuak arautzen ditu, zerbitzu horien hornitzaile zibilen betebeharrak ezarri, eta aire-zirkulazioko hornitzaile zibilentzako lan-baldintza zehatzak xehatu. Arauaren arabera, AENAk (Espainiako Aireportuen eta Aire Nabigazioaren enpresa publikoa) zerbitzu hauek emango ditu zuzenean: eremua eta hegazkinak hurbiltzea kontrolatzeko aire zirkulazioko zerbitzuak, baita esandako zerbitzuak ematen diren aire-espazioko bolumenei lotutako hegaldi-, alerta- eta aholkularitza-zerbitzuak ere.
Elkartearen hitzetan, “zerbitzu publikoaren xedea da gizartearen beharrizanei erantzutea, eta horren ardura Estatuarena bakarrik da, herritarren ongizatea bermatu behar duelako. Hortaz, oso jarduera inportantea da eta ezin da enpresa pribatuaren esku utzi, azken horren helburua baita bere probetxua, eta ez gizarte-ongizatea”. Horri lotuta, gogoratu dute Espainiako Konstituzioaren 149. artikuluaren arabera, “Estatuak eskumen esklusiboa duela, besteak beste, interes orokorreko aireportuetan, aire-espazioaren kontrolean eta aire-zirkulazioan eta -garraioan”. Horregatik eskatu dute Gobernuak horien kudeaketa publikoa bermatzeko.