Gaur goizean, Bizkaiko herri batetik, pertsona-talde bat pasatu da euskaraz berbaz. “Giputxiek…”–pentsatu dau bizkaitarrak. Ostera, atzerrian dagoanean eta nonor euskaraz entzutean, atoan sentitzen ditu poztasuna eta konplizidadea. “Euskaldunak!”–pentsatzen dau eta dogu danok, pozarren, Getariakoak, Txorierrikoak nahiz Baionakoak izanda be. Bando ezbardinean kokatzetik, ohe berean sartzera igarotzen gara, aizue. Horri egokitzapen hipokrita deritzo(t).

“Derion plastikoei ez, bizitzari bai!” lelopean, Danarik paraje! herriko merkataritzako eta zerbitzuetako elkarteak poltsa berrerabilgarriak banatuko ditu bezeroen artean. Barikuan, azaroak 8, karpa bat ipiniko da Aralar kalean eta edonor hurbildu ahalko da hara, poltsa berrerabilgarri bat hartzera. Horren trukean, plastikozko poltsak utzi beharko ditu. Bestalde, elkartearen barruan dauden saltokietako erakusleihoak berrerabiltzeko poltsez apainduko dira.