Kaleko giroa egunez bultzatuko da Lezamako jaietan

Andra Mari jaiak irailaren 5etik 10era izango dira Lezaman, baina, ohitureak agintzen dauan legez, hilaren 2an San Antolin be ospatuko dabe. Egun horretan antolatzen dan herri bazkarira makina bat lagun batzen dira, eta datu moduan igaz 330 plater zerbitzatu ebezala aitatu daikegu. “Aurten aste barruan da, eta jente gitxiago egongo garela uste dogu”, komentatu dabe Basobaltz jai-batzordeko kideek. Ticketak Lezamako eta Larrabetzuko dendetan, tabernetan... jarriko dira salgai. San Antolin egunean be mus eta briska txapelketak izango dabez. Txapelketak berandu arte luzatu ohi dira, eta Lezama eta Larrabetzuko bikoteen arteko lehia handia izaten da. Beste alde batetik, Munarriz munarri Lasterketa / Martxa jai-egitarautik atera, eta abuztuaren 31n egingo dala esan beharra dago. Turuta konpartsa sortu da herrian, eta horrek jaien hasiera girotzeko ardurea hartuko dau irailaren 5ean, iluntzeko 8etan pregoia irakurri arte. Handik aurrera, eta sei egunean zehar, adin guztiei zuzendutako ekitaldiak eukiko dabez Lezaman: txapelketak, herri-kirolak, jolasak, antzerkia, kontzertuak... Basobaltz jai-batzordeak lezamar guztiengan pentsatuz antolatu daualako egitaraua. “Argi dogu herritarrentzako jaiak izan behar dirala. Gure helburua ez da arrakasta haundiko ikuskizunak ekartzea; lezamarrak pozik egotea baino”. Aurreko urteko jai-egitaraua hartu dabe oinarritzat ekitaldiak antolatzeko orduan. Nobedade askorik ez da egongo, baina bai erronka haundia: egunean be kaleko giroa izan daitela herrian. Horretarako, perkusio emonaldia, kale-antzerkia, eta Mozorro Eguna egingo dira, besteak beste. Mozorro Eguna aurten antolatu dabe lehenengo aldiz. Sari bat emongo da mozorrorik onenari, eta komisinoko txosnan mozorroturik azaltzen dan guztia trago bat hartzera gonbidatuko dabe (lehenengoa ordaindu ostean, e!). Lezaman ez dago besteak baino erakargarriago dan ekitaldirik; badago, ostera, egun nagusi bat, hori Odoloste Eguna da. “Andra Mariren bezperea da, eta ekintza ugari antolatzen da: txapelketak, dantzak, herri-bazkaria... Era berean, herriko talde askok hartzen dabe parte egun horretan. Irailaren 8a be oso berezia da guretzat”. Abuztuaren 31an, domeka 08:00: Lezamako III. Mugarriz Mugarriko Lasterketa / Martxa Irailaren 2an, martitzena (San Antolin) 11:30: Meza, ermitan Trikitilariak eta kopaua 14:30: Herri-bazkaria 16:00: Mus eta briska txapelketak Irailaren 5ean, barikua 19:30: Kalejira, Lezamako turuta konpartsagaz 20:00: Txupinazoa eta pregoia Trikipoteoa, herriko tabernetatik Odolosteak, herriko tabernetan 22:00: Txosnen irekiera 22:00-24:00: Mozorro Eguna. Gaia: 80ko hamarkada 24:00: Kontzertuak: Deadly, Sei urte eta Trikizioa 02:00: Mozorroen sari-banaketa Irailaren 6an, zapatua 12:00-14:00: Pintxo lehiaketa, herriko tabernetan Trikitilariak 13:00: Meza Herri kirolak 17:00: Bingo eta merienda, Adintsuen Etxean 17:30: Umeentzako txokolatada 19:00: Giramondo kaleko ikuskizuna, El Negro y el Flaco taldearen eskutik 21:30: Perkusioa, Tamsa taldearen eskutik 23:00: Kontzertuak: Gose, Acido C eta Jo ta hanka Irailaren 7an, domeka. Odoloste Eguna 10:00: ‘Andra Mari’ I. BTT Martxa, Zorribike taldearen eskutik 12:30: Meza Lezamako txakolin eta perretxikoen dastatzea plazan, Urrusti alkarteak antolatuta 13:00: Ekidazu eta Alcorisana (Teruel) abesbatzen emonaldia, elizan Pintxo lehiaketaren sari-banaketa, plazan 15:00: Herri-bazkaria, karpa gunean. Zorrizketan alkartearen eskutik 17:00: Pelota partiduak: Olazabal - Urberuaga vs. Berasaluze VII - Galarza; Martinez de Irujo - Zubieta vs. Goñi II - Barriola 17:30: Lezamako II. Txapela Txapelketa 19:00: Umeen euskal dantzak, Kurutze danta taldeagaz 19:30: Dantzaldia, Erdizka lauetan taldeagaz. Zorrizketan alkarteak antolatuta. 21:00: Kaleko antzerkia: Deabru Beltzak taldearen bande déplacée ikuskizuna Irailaren 8an, astelehena 12:00: Meza 13:00: Kalejira, Bertoko taldeagaz 18:00: Txokolatada 18:30: Potxin eta Patxin pailazoak 19:00: Pelota eskolako partiduak, frontoian Irailaren 9an, martitzena 12:00: Meza Irailaren 10, eguaztena. Mikel Zarate plazan 12:30: Paella Txapelketa 14:30: Paellen aurkezpena 17:00: Umeen jolasak 20:00: Berbena, Luhartz taldeagaz Santa Kurtze Irailaren 13an, zapatua Txupinazoa 16:00: Mus txapelketa, Zigoun tabernak antolatuta Trikitilariak 20:30: Idi-probak Bildots jana 22:30: Ganeko orkestraren emanaldia Irailaren 14an, domeka 12:00: Meza, ermitan 12:30: Dantzen agerraldia, Gurutze dantza taldearen eskutik Kopaua eta fanfarrea 18:30: Gorritiren animaliak: poniak, behitxoak... Irailaren 15ean, astelehena 12:00: Meza, ermitan Trikitilariak 20.30: Sorgina erretzea eta jaien amaiera Odolosteak izango dira auzoko tabernetan jaietan.